தமிழ் திரையுலகின் ‘குயின்’ என்று அழைக்கப்படும் நடிகை திரிஷா இன்று தனது பிறந்தநாளைக் கொண்டாடுகிறார். ரசிகர்கள் மற்றும் திரைப்பிரபலங்கள் பலரும் அவருக்குத் தங்களது வாழ்த்துகளைத் தெரிவித்து வரும் நிலையில், அவர் நடித்து வரும் தெலுங்கு பிரம்மாண்ட படமான ‘விஸ்வம்பரா’ (Vishwambhara) படக்குழுவினர் ஒரு சிறப்பான பதிவைப் பகிர்ந்துள்ளனர்.
அவணியாகத் திரிஷா: இந்தப் படத்தில் மெகா ஸ்டார் சிரஞ்சீவிக்கு ஜோடியாகத் திரிஷா நடித்து வருகிறார். படத்தில் திரிஷாவின் கதாபாத்திரம் குறித்துப் பேசிய படக்குழு, அவர் ‘அவணி’ (Avani) என்ற கதாபாத்திரத்தில் நடிப்பதாகத் தெரிவித்துள்ளனர். இந்தக் கதாபாத்திரம் மிகவும் கண்ணியமாகவும், நேர்த்தியாகவும், வடிவமைக்கப்பட்டுள்ளதாக அவர்கள் குறிப்பிட்டுள்ளனர். “அவணியின் சித்தரிப்பு நேர்த்தியாகவும், மாயாஜாலமாகவும் இருக்கும்” என்று UV Creations நிறுவனம் திரிஷாவுக்கு வாழ்த்து தெரிவித்துள்ளது.
View this post on Instagram
விரைவில் திரையரங்குகளில்: இயக்குநர் வசிஷ்டா இயக்கத்தில் உருவாகும் இந்தப் படம் ஒரு சோஷியோ-பேண்டஸி திரைப்படமாகும். ‘மெகா மாஸ் பியாண்ட் தி யுனிவர்ஸ்’ (Mega Mass Beyond the Universe) என்ற வாசகத்துடன் இந்தப் படத்தின் மீதான எதிர்பார்ப்பு விண்ணைத் தொட்டுள்ளது. திரிஷா மற்றும் சிரஞ்சீவி கூட்டணியை மீண்டும் திரையில் காண ரசிகர்கள் ஆவலுடன் காத்திருக்கின்றனர். படம் விரைவில் உலகமெங்கும் உள்ள திரையரங்குகளில் வெளியாகவுள்ளது.
