சூப்பர் ஸ்டார் ரஜினிகாந்த் நடிப்பில், இயக்குநர் நெல்சன் திலீப்குமார் இயக்கத்தில் உருவாகிவரும் பிரம்மாண்டமான திரைப்படம் ‘ஜெயிலர் 2’ (Jailer 2). சன் பிக்சர்ஸ் தயாரிப்பில் உருவாகும் இப்படத்தின் மீதான எதிர்பார்ப்பு நாளுக்கு நாள் அதிகரித்து வரும் நிலையில், படக்குழு தொடர்ச்சியாக முக்கிய கதாபாத்திரங்களின் அறிமுக போஸ்டர்களை வெளியிட்டு வருகிறது. அந்த வகையில், தற்போது இப்படத்தில் இடம்பெறும் புதிய மற்றும் மிரட்டலான கதாபாத்திரத்தின் அறிமுகம் வெளியாகியுள்ளது.
அதன்படி, தேசிய விருது வென்ற பிரபல மலையாளத் திரையுலகின் முன்னணி நடிகரான சூரஜ் வெஞ்சாரமூடு (Suraj Venjaramoodu) இப்படத்தில் ‘திலீப்’ (Dileep) என்ற கதாபாத்திரத்தில் நடிப்பதாக அதிகாரப்பூர்வமாக அறிவிக்கப்பட்டுள்ளது. ரஜினிகாந்துடன் இவர் இணைந்து நடிக்கும் இந்த அதிரடித் திரைப்படம், கோலிவுட் மற்றும் மலையாளத் திரையுலக வட்டாரத்தில் பெரும் எதிர்பார்ப்பை ஏற்படுத்தியுள்ளது. ஏற்கனவே இப்படத்தில் பல்வேறு முன்னணி நட்சத்திரங்கள் இணைந்துள்ள நிலையில், சூரஜ் வெஞ்சாரமூட்டின் இந்த ஃபர்ஸ்ட் லுக் போஸ்டர் சமூக வலைதளங்களில் ட்ரெண்டாகி வருகிறது.
அக்டோபர் 15, 2026 அன்று உலகமெங்கும் திரையரங்குகளில் வெளியாகவுள்ள இப்படத்தின் ஒவ்வொரு அறிவிப்பும் ரசிகர்களைக் குஷிப்படுத்தி வருகிறது. அனிருத் இசையில் உருவாகும் இத்திரைப்படம் திரையரங்குகளில் ஒரு அதிரிபுதிரியான ஆக்ஷன் விருந்தாக அமையும் என்பதில் சந்தேகமில்லை.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
