தமிழ் திரையுலகில் காமெடி மற்றும் ஹாரர் கலந்த படங்களுக்கு எப்போதும் தனி வரவேற்பு உண்டு. அந்த வரிசையில், காமெடி கிங் சந்தானம் தனது அடுத்த அதிரடித் திட்டத்தை அறிவித்துள்ளார். ஏஜிஎஸ் என்டர்டெயின்மென்ட் (AGS Entertainment) நிறுவனத்தின் 29-வது தயாரிப்பான இந்தப் படத்திற்கு ‘லவ் பைட்’ (Love Bite) என்று பெயரிடப்பட்டுள்ளது. இந்தப் படம் குறித்த அதிகாரப்பூர்வ அறிவிப்பு மற்றும் மிரட்டலான போஸ்டர் தற்போது வெளியாகி இணையத்தில் ட்ரெண்டாகி வருகிறது.
இயக்குநர் செல்வின் ராஜ் சேவியர் இயக்கத்தில் உருவாகும் ‘லவ் பைட்’, வழக்கமான ஹாரர் படமாக இல்லாமல், ஒரு புதிய முயற்சியாக ‘ஸோம்பி’ (Zombie) கதையை நகைச்சுவையுடன் சொல்லும் ‘ஸோம்பி ஹாரர் காமெடி’ (Zombie Horror Comedy) பாணியில் தயாராகிறது. இன்று வெளியான போஸ்டரில் இடுகாடுகளின் பின்னணியில் ஸோம்பிகள் எழுந்து வருவது போன்ற காட்சிகள் இடம் பெற்றுள்ளன. இது சந்தானத்தின் முந்தைய பிளாக்பஸ்டர் படமான ‘டிடி ரிட்டர்ன்ஸ்’ பாணியில் ஒரு மிகப்பெரிய எண்டர்டெய்னராக இருக்கும் எனத் தெரிகிறது.
அர்ச்சனா கல்பாதி கிரியேட்டிவ் தயாரிப்பாளராகப் பொறுப்பேற்றுள்ள இந்தப் படத்தை கல்பாதி எஸ். அகோரம், கல்பாதி எஸ். கணேஷ் மற்றும் கல்பாதி எஸ். சுரேஷ் ஆகியோர் தயாரிக்கின்றனர். ‘லவ் பைட்’ என்ற தலைப்பிலேயே ஒரு குறும்புத்தனம் கலந்திருப்பதால், இது இளைஞர்களையும் குழந்தைகளையும் கவரும் விதத்தில் இருக்கும் என்பதில் சந்தேகமில்லை. சமீபகாலமாக சந்தானம் ஸோம்பி மற்றும் டைம்-லூப் போன்ற வித்யாசமான ஜானர்களில் ஆர்வம் காட்டி வருவது அவரது ரசிகர்களுக்குப் பெரும் மகிழ்ச்சியைத் தந்துள்ளளது.
ஏற்கனவே ‘ப்ளாஸ்ட்’ (Blast) என்ற படத்தை அறிவித்திருந்த ஏஜிஎஸ் நிறுவனம், தற்போது 29-வது படமாக ‘லவ் பைட்’ படத்தைத் தொடங்கியுள்ளது. இந்தப் படத்தின் இதர நடிகர்கள் மற்றும் தொழில்நுட்பக் கலைஞர்கள் குறித்த விபரங்கள் விரைவில் வெளியாகும் என எதிர்பார்க்கப்படுகிறது. சந்தானத்தின் ‘லவ் பைட்’ திரையரங்குகளில் எப்போது வெளியாகும் என்ற எதிர்பார்ப்பு இப்போதே அதிகரித்துவிட்டது. ஒரு கிரேஸியான ஹாரர் காமெடி விருந்துக்குத் தயாராகுங்கள்!
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
