தமிழ் திரையுலகில் தனது விதவிதமான கதாபாத்திரங்கள் மற்றும் மாஸான ஆக்ஷன் நடிப்பால் ரசிகர்களை ஈர்த்து வரும் சீயான் விக்ரம் (Chiyaan Vikram) நடிப்பில் உருவாகவுள்ள புதிய திரைப்படத்தின் அதிகாரப்பூர்வ அறிவிப்பு வெளியாகியுள்ளது. பிரபல தயாரிப்பு நிறுவனமான சத்யஜோதி பிலிம்ஸ் (Sathya Jyothi Films) தயாரிப்பில் உருவாகும் இத்திரைப்படத்திற்கு ‘பவர்ஹவுஸ்’ (Powerhouse) என பெயரிடப்பட்டுள்ளது. இப்படத்தின் டைட்டில் அவுட் செய்யப்பட்டுள்ளதை படக்குழுவினர் உற்சாகத்துடன் சமூக வலைதளங்களில் பகிர்ந்துள்ளனர்.
“ஐந்து மில்லியன் காரணங்கள்… இது ஒரு உண்மையான பவர்ஹவுஸ்” என்ற ஹேஷ்டேக்குகளுடன் படக்குழு வெளியிட்டுள்ள டைட்டில் அவுட் ப்ரோமோ தற்போது இணையத்தில் பெரும் வைரலாகி வருகிறது. தீப்பொறிகள் பறக்க சீயான் விக்ரம் மாஸான என்ட்ரி கொடுக்கும் இந்த ப்ரோமோ வீடியோ, ரசிகர்களிடையே படத்தின் மீதான எதிர்பார்ப்பை பல மடங்கு அதிகரித்துள்ளது. இதுவரை பார்த்திராத வித்தியாசமான ஆக்ஷன் களத்தில் விக்ரம் நடிக்கவுள்ளதாகத் தெரிகிறது.
View this post on Instagram
இப்படத்தின் இயக்கம், மற்ற முன்னணி நடிகர், நடிகைகள் மற்றும் தொழில்நுட்பக் கலைஞர்கள் குறித்த கூடுதல் விவரங்களை சத்யஜோதி பிலிம்ஸ் நிறுவனம் விரைவில் அதிகாரப்பூர்வமாக வெளியிடவுள்ளது. தமிழ் சினிமாவில் மிகப்பெரிய எதிர்பார்ப்பை ஏற்படுத்தியுள்ள இத்திரைப்படம் குறித்த அடுத்தடுத்த அறிவிப்புகளுக்காக ரசிகர்கள் மிகுந்த ஆவலுடன் காத்துக் கொண்டுள்ளனர்.
