சின்னத்திரை உலகில் பிரபல நகைச்சுவை நடிகராகவும் தொகுப்பாளராகவும் வலம் வருபவர் நாஞ்சில் விஜயன் (Nanjil Vijayan). இவருக்கும் திருநங்கை மற்றும் நடிகையான வைஷு (Vaishu) என்பவருக்கும் இடையே கடந்த காலத்தில் ஏற்பட்ட சில கருத்து வேறுபாடுகள் மற்றும் புகார்கள் சமூக வலைத்தளங்களில் பெரும் விவாதப் பொருளாய் மாறின. இருவரும் நீண்ட காலமாகத் தன் சொந்த வாழ்க்கை மற்றும் நட்புக் குறித்தான பல்வேறு குற்றச்சாட்டுகளையும் விளக்கங்களையும் பரஸ்பரம் தெரிவித்து வந்தனர்.
View this post on Instagram
இந்நிலையில், அனைத்துப் பிரச்சினைகளையும் மறந்துவிட்டு இருவரும் தங்களது பழைய மனக்கசப்புகளை முழுமையாகக் கைவிட்டுள்ளதாகத் தகவல்கள் வெளியாகியுள்ளன. “மனம் திறந்து பேசினோம், கசப்புகள் எல்லாம் மறந்தோம், மீண்டும் பழையபடி இணைந்தோம். இனி குடும்பமாக ஒன்றிணைந்து நிறைய சாதிப்போம். எங்களுக்காக பிரார்த்தனை செய்த அனைவருக்கும் நன்றி” என்று அவர்கள் குறிப்பிட்டுள்ள வார்த்தைகள் தற்போது இணையத்தில் வைரலாகி வருகிறது. இவர்களின் இந்த திடீர் சமாதான முடிவு ரசிகர்களை வியப்பிலும் மகிழ்ச்சியிலும் ஆழ்த்தியுள்ளது.
