தமிழ் சினிமாவின் வசூல் மன்னரான சூப்பர் ஸ்டார் ரஜினிகாந்த் நடிப்பில், இயக்குநர் நெல்சன் திலீப்குமார் இயக்கத்தில் பெரும் எதிர்பார்ப்பை ஏற்படுத்தியுள்ள திரைப்படம் ‘ஜெயிலர் 2’ (Jailer 2). முதல் பாகத்தின் மாபெரும் வெற்றியைத் தொடர்ந்து உருவாகிவரும் இப்படத்தின் மீதான எதிர்பார்ப்பு நாளுக்கு நாள் அதிகரித்து வருகிறது.
இந்நிலையில், இப்படத்தின் உலகை மேலும் மெருகேற்றும் வகையில் அடுத்தடுத்து இரண்டு முக்கிய கதாபாத்திரங்களின் அறிமுகம் வெளியாகியுள்ளது. அதன்படி, பாலிவுட்டின் முன்னணி நடிகையான வித்யா பாலன் (Vidya Balan) இப்படத்தில் ‘காந்தா’ (Kantha) என்னும் கதாபாத்திரத்திலும், மிரட்டலான நடிப்பிற்குப் பெயர்பெற்ற எஸ்.ஜே. சூர்யா (SJ Suryah)‘போதி கல்பக்’ (Bodhi Kalpak) என்னும் கதாபாத்திரத்திலும் நடிப்பதாகப் படக்குழு அதிகாரப்பூர்வமாக அறிவித்துள்ளது.
ரஜினிகாந்துடன் வித்யா பாலன் மற்றும் எஸ்.ஜே. சூர்யா இணைந்திருக்கும் இந்த அதிரடித் திரைப்படத்தின் அடுத்தடுத்த அறிவிப்புகள் விரைவில் வெளியாகும் என எதிர்பார்க்கப்படுகிறது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
