தமிழ் திரையுலகில் எப்போதுமே எவர்கிரீன் கிளாசிக் திரைப்படங்களுக்குக் கிடைக்கும் வரவேற்பு தனித்துவமானது. அந்த வகையில், புகழ்பெற்ற இயக்குநர் மணிரத்னம் (Mani Ratnam) இயக்கத்தில் வெளியான மாபெரும் வெற்றித் திரைப்படமான ‘இதயத்தை திருடாதே’ (Idhayathai Thirudathey) தற்போது நவீன தொழில்நுட்பத்துடன் மீண்டும் பெரிய திரைக்கு வரவுள்ளது.
அகில இந்திய அளவில் பிரபலமான கிங் நாகார்ஜுனா (Nagarjuna) கதாநாயகனாக நடித்துள்ள இப்படத்திற்கு இசைஞானி இளையராஜா (Ilaiyaraaja) இசையமைத்துள்ளார். இப்படத்தின் பாடல்களும் பின்னணி இசையும் இன்றும் ரசிகர்களின் ஆல்-டைம் ஃபேவரைட்டாக இருந்து வருகிறது.
இந்நிலையில், இப்படத்தின் ரீமேஸ்டர்ட் (Remastered) பதிப்பு வரும் ஆகஸ்ட் 28-ஆம் தேதி உலகமெங்கும் உள்ள திரையரங்குகளில் பிரம்மாண்டமாக மீண்டும் வெளியாகவுள்ளது. டபிள்யூ.என். என்டர்டெயின்மென்ட் (WN Entertainment) நிறுவனம் இப்படத்தை வெளியிடவுள்ளது. நவீன தொழில்நுட்பத்தில் மெருகூட்டப்பட்ட இப்படத்தை திரையரங்குகளில் பெரிய திரையில் கண்டு களிக்க சினிமா ரசிகர்கள் ஆவலுடன் காத்திருக்கின்றனர்.
