தமிழகத்தில் குரூப் 2 மற்றும் 2A முதல்நிலை தேர்வானது இன்று 38 மாவட்டங்களில் தொடங்கியது.
தமிழகம் முழுவதும் இன்று குரூப் 2 மற்றும் குரூப் 2A தேர்வு தொடங்கி இருக்கின்றது. துணை வணிகவரி அதிகாரி, தொழிலாளர் நலத்துறை உதவி ஆய்வாளர், இளநிலை வேலை வாய்ப்பு அலுவலர், சார்பதிவாளர் உள்ளிட்ட பல்வேறு பதவிகளானது குரூப் 2 பிரிவில் வருகின்றது.
இதேபோன்று உதவியாளர்கள் உட்பட அமைச்சக பணியில் காலியாக இருக்கும் இடங்கள் குரூப் 2ஏ பிரிவில் வருகின்றன. குரூப் 2 பிரிவிலும் குரூப் 2ஏ பிரிவிலும் சேர்த்து மொத்தமாக 2,327 காலி பணியிடங்களுக்கான எழுத்து தேர்வு அறிவிக்கையை அரசு பணியாளர் தேர்வாணையமானது வெளியிட்டது.
இந்த பணியிடங்களுக்கான தேர்வு 38 மாவட்டங்களில் 2,763 தேர்வு மையங்களில் நடைபெற்று வருகின்றன. இதில் 7 லட்சத்து 93 ஆயிரத்து 966 போ் தேர்வை எழுதுகிறார்கள். ஒவ்வொரு தேர்வு மையத்திற்கும் ஆய்வு அலுவலர் ஒருவரும், மாவட்ட ஆட்சியர் அலுவலகம் மூலம் நியமிக்கப்பட்டு இருக்கிறார்கள். மொத்தமுள்ள 2,763 தேர்வு மையங்களுக்கு முதன்மை கண்காணிப்பாளர்கள், கண்காணிப்பாளர்கள் நியமிக்கப்பட்டு இருக்கிறார்கள்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
