நடிகர் அதர்வா முரளி நடிப்பில் உருவாகி வரும் இதயம் முரளி திரைப்படத்தில் மலையாளத் திரையுலகின் முன்னணி நடிகர் பஹத் பாசில் ஒரு முக்கிய கதாபாத்திரத்தில் இணைந்துள்ளதாகத் தயாரிப்பு நிறுவனம் அதிகாரப்பூர்வமாக அறிவித்துள்ளது. டான் பிக்சர்ஸ் (Dawn Pictures) நிறுவனம் தயாரிக்கும் இந்தப் படத்தின் படப்பிடிப்பு தளத்தில் பஹத் பாசில் கலந்துகொண்ட வீடியோ தற்போது சமூக வலைதளங்களில் வெளியாகி வைரலாகி வருகிறது.
இயக்குநர் ஆகாஷ் பாஸ்கரன் இயக்கத்தில் உருவாகும் ‘இதயம் முரளி’ திரைப்படம், ஒருதலைக் காதலை மையமாகக் கொண்ட ஒரு எதார்த்தமான காதல் கதையாகும். இப்படத்தின் தயாரிப்பாளர் ஆகாஷ் பாஸ்கரன், பஹத் பாசிலின் வருகையை “பெருமைக்குரிய தருணம்” என்று குறிப்பிட்டுள்ளார். பஹத் பாசில் இப்படத்தில் ஒரு கௌரவத் தோற்றத்தில் (Cameo Role) நடிப்பதாகக் கூறப்படுகிறது. சமீபத்தில் ‘ஆவேசம்’ படத்தின் ‘இலுமினாட்டி’ பாடலைப் பின்னணியாகக் கொண்டு படக்குழு வெளியிட்ட வீடியோ, ரசிகர்களிடையே பெரும் எதிர்பார்ப்பை ஏற்படுத்தியுள்ளது.
When FaFa illuminated the sets of #IdhayamMurali ❤️
The one and only #FahadhFaasil features in the @AakashBaskaran directorial, coming to cinemas this summer@Atharvaamurali @MusicThaman @AakashBaskaran @natty_nataraj @PreityMukundan @JustNiharikaNm @11Lohar @manojdft… pic.twitter.com/L3K7iJ4LBO
— DawnPictures (@DawnPicturesOff) February 12, 2026
இப்படத்தில் அதர்வாவுடன் இணைந்து ப்ரீத்தி முகுந்தன் மற்றும் காயடு லோஹர் நாயகிகளாக நடிக்கின்றனர். மேலும், இசையமைப்பாளர் தமன் நீண்ட இடைவேளைக்குப் பிறகு இப்படத்தின் மூலம் மீண்டும் நடிகராகக் களமிறங்குகிறார். நட்டி நட்ராஜ், நிஹாரிகா என்.எம் மற்றும் ரக்ஷன் உள்ளிட்டோர் முக்கிய வேடங்களில் நடித்து வருகின்றனர். மனோஜ் பரமஹம்சா ஒளிப்பதிவு செய்யும் இந்தப் படத்திற்குத் தமன் இசையமைக்கிறார். 1991-ல் அதர்வாவின் தந்தை முரளி நடித்த ‘இதயம்’ திரைப்படத்தின் தலைப்பை நினைவூட்டும் விதமாக அமைந்துள்ள இந்தப் படம், வரும் கோடையில் (Summer 2026) வெளியாகும் என எதிர்பார்க்கப்படுகிறது.
