யூடியூப் மூலம் பிரபலமான விஜே சித்து, தற்போது முழுநேர நடிகராகவும், இயக்குநராகவும் அவதாரம் எடுத்துள்ளார். இவர் இயக்கி, முக்கிய கதாபாத்திரத்தில் நடித்துள்ள புதிய திரைப்படம் ‘டயங்கரம்’. இப்படத்தின் படப்பிடிப்பு பணிகள் தற்போது முழுமையாக நிறைவடைந்துள்ளன. இந்நிலையில், ரசிகர்களை உற்சாகப்படுத்தும் விதமாக படத்தின் ஒரு சிறப்பு அறிவிப்பு (Special Drop) இன்று மாலை 6 மணிக்கு வெளியாகும் என படக்குழு அதிகாரப்பூர்வமாக அறிவித்துள்ளது.
‘டயங்கரம்’ படத்தில் விஜே சித்துவுடன் இணைந்து பிரபல நடிகர் நடராஜ் (நட்டி) மற்றும் அனுபவமிக்க நடிகர் இளவரசு ஆகியோர் முக்கிய கதாபாத்திரங்களில் நடித்துள்ளனர். இந்த வித்தியாசமான கூட்டணியால் படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது. இப்படத்திற்கு சித்து குமார் இசையமைக்கிறார். இவர் ஏற்கனவே ‘SMP’ மற்றும் ‘ஜோ’ (Joe) போன்ற வெற்றிப் படங்களுக்கு இசையமைத்தவர் என்பது குறிப்பிடத்தக்கது.
படத்தின் படப்பிடிப்பு முடிவடைந்ததைத் தொடர்ந்து, தற்போது போஸ்ட்-பிரொடக்ஷன் பணிகள் விறுவிறுப்பாக நடைபெற்று வருகின்றன. விரைவில் படத்தின் டீசர் மற்றும் ட்ரெய்லர் வெளியாகும் என எதிர்பார்க்கப்படுகிறது. ‘ஒவ்வொரு பயணமும் ஒரு முக்கிய தருணத்தை அடைகிறது’ (Every journey reaches a defining moment) என்ற தாரக மந்திரத்துடன் உருவாகியுள்ள இப்படத்தின் ஸ்பெஷல் அப்டேட்டை காண ரசிகர்கள் ஆவலுடன் காத்துள்ளனர்.
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
