உலகெங்கிலும் உள்ள வெறித்தனமான ‘மணி ஹைஸ்ட்’ (Money Heist) ரசிகர்களுக்கு ஒரு மிகப்பெரிய கொண்டாட்டச் செய்தி வெளியாகியுள்ளது. அந்தத் தொடரின் மிகவும் பிரபலமான கதாபாத்திரமான ‘பெர்லின்’ (Andrés de Fonollosa) வாழ்க்கையை மையமாக வைத்து எடுக்கப்பட்ட ‘பெர்லின்’ தொடரின் இரண்டாம் பாகம் குறித்த அதிகாரப்பூர்வ அறிவிப்பை நெட்பிளிக்ஸ் இந்தியா வெளியிட்டுள்ளது. ‘Berlin and the Lady with an Ermine’ என்று பெயரிடப்பட்டுள்ள இந்த இரண்டாம் சீசன், வரும் மே 15, 2026 அன்று உலகம் முழுவதும் வெளியாகிறது.
செவில்லி நகரில் ஒரு புதிய மாஸ்டர் பிளான் முதல் சீசனில் பாரிஸ் நகரில் உள்ள விலையுயர்ந்த நகைகளைத் திருடிய பெர்லின் மற்றும் அவரது குழுவினர், இந்த முறை ஸ்பெயினின் அழகிய நகரமான செவில்லிக்கு (Seville) இடம் பெயர்கிறார்கள். இம்முறை அவர்களது இலக்கு சாதாரணமானது அல்ல; லியோனார்டோ டாவின்சியின் உலகப்புகழ் பெற்ற ஓவியமான ‘லேடி வித் ஆன் எர்மினை’ (The Lady with an Ermine) திருடுவதுதான் அவர்களது திட்டம். ஆனால், இந்தத் திருட்டிற்குப் பின்னால் ஒரு மிகப் பெரிய பழிவாங்கும் படலம் மறைந்திருப்பதாகப் படக்குழுவினர் டீசரில் சூசகமாகத் தெரிவித்துள்ளனர்.
View this post on Instagram
மிரட்டும் வில்லனும் மர்மமான புதிய வரவும் இந்தப் புதிய சீசனில் பெர்லின் மற்றும் டேமியன் (Damián) மீண்டும் தங்கள் குழுவை ஒன்றிணைக்கிறார்கள். மலகா பிரபு (Duke of Málaga) மற்றும் அவரது மனைவி ஆகியோர் பெர்லினை மிரட்டிப் பிளாக்மெயில் செய்ய முயல்கின்றனர். அவர்களது இந்தச் சவாலை ஏற்று, பெர்லின் தனது இருண்ட பக்கத்தை மீண்டும் ஒருமுறை வெளிப்படுத்துகிறார். முதல் சீசனில் நடித்த மிச்செல் ஜென்னர், பெகோனா வர்காஸ் உள்ளிட்ட அதே குழுவினர் இதிலும் தொடர்கிறார்கள். மேலும், இன்மா குவெஸ்டா (Inma Cuesta) என்ற புதிய கதாபாத்திரம் பெர்லினின் இதயத்தைத் திருடும் ஒரு மர்மமான பெண்ணாக அறிமுகமாகிறார்.
ரசிகர்களின் எதிர்பார்ப்பும் வைரல் அறிவிப்பும் நெட்பிளிக்ஸ் வெளியிட்டுள்ள “இந்தக் குழு ஒரு கலைப்படைப்பு, ஆனால் அவர்களுக்கு இன்னும் வேண்டும்” (This gang is a work of art. But they want more) என்ற கேப்ஷன் சமூக வலைதளங்களில் வைரலாகி வருகிறது. மொத்தம் எட்டு அத்தியாயங்களைக் கொண்ட இந்தத் தொடர், முதல் சீசனை விடவும் அதிக ஆக்சன் மற்றும் திருப்பங்களைக் கொண்டிருக்கும் என எதிர்பார்க்கப்படுகிறது. 2023-ல் வெளியான முதல் சீசன் நெட்பிளிக்ஸின் டாப் 10 லிஸ்டில் நீண்ட காலம் நீடித்தது குறிப்பிடத்தக்கது. தற்போது 2026-ன் கோடை விடுமுறையை முன்னிட்டு வெளியாகவுள்ள இந்தப் படம், மீண்டும் ஒருமுறை ‘மணி ஹைஸ்ட்’ அலையை உருவாக்கும் என்பதில் சந்தேகமில்லை.
