தமிழ் சினிமாவின் முன்னணி உச்ச நட்சத்திரமான ‘தல’ அஜித் குமாரின் அடுத்த படம் குறித்த அதிகாரப்பூர்வ அறிவிப்பு தற்போது வெளியாகி கோலிவுட்டில் பெரும் தீயைப் பரவ விட்டுள்ளது. இப்படத்திற்கு ‘டேர்டெவில்’ (DAREDEVIL) என அதிகாரப்பூர்வமாக தலைப்பு வைக்கப்பட்டுள்ளது. மாஸான மற்றும் அதிரடித் திருப்பங்கள் நிறைந்த கதைகளை வழங்குவதில் பெயர் பெற்ற இளம் இயக்குனர் ஆதிக் ரவச்சந்திரன் இப்படத்தை இயக்குகிறார். அஜித்தின் சினிமா பயணத்தில் இந்தக் கூட்டணி ரசிகர்களுக்கு விருந்தாக அமையும் என்பதில் சந்தேகமில்லை.
இப்படத்திற்குத் தமிழ் திரையுலகின் முன்னணி இசையமைப்பாளரான அனிருத் இசையமைக்கவுள்ளார் என்பது ரசிகர்களுக்குக் கூடுதல் கொண்டாட்டத்தை அளித்துள்ளது. அஜித்தின் மாஸான திரை ஆளுமைக்கு அனிருத் இன் மியூசிக் எந்த அளவுக்கு பலம் சேர்க்கும் என்ற எதிர்பார்ப்பு இப்போதே அதிகரித்துவிட்டது. குறிப்பாக, இப்படத்தை ஏகே அவர்களின் மனைவியும், பிரபல நடிகையுமான ஷாலினி அஜித் குமார் தயாரிக்கிறார் என்ற தகவல் வெளியாகி அனைவரையும் ஆச்சரியத்திலும் பெருமிதத்திலும் ஆழ்த்தியுள்ளது. பட்டையைக் கிளப்பும் இந்த அதிரடி காம்பினேஷன் குறித்த அடுத்தடுத்த அப்டேட்டுகளுக்காக ரசிகர்கள் மிகுந்த ஆவலுடன் காத்திருக்கின்றனர்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
