தமிழ் திரையுலகில் பிரதீப் ரங்கநாதன் நடிப்பில் வெளியான ‘டிராகன்’ (Dragon) திரைப்படத்தின் மூலம் அறிமுகமாகி, இளைஞர்களின் மனதைக் கவர்ந்தவர் நடிகை கயாடு லோகர் (Kayadu Lohar). அசாம் மாநிலத்தைப் பூர்வீகமாகக் கொண்ட இவர், தற்போது தென்னிந்திய சினிமாவில் மிகவும் எதிர்பார்க்கப்படும் இளம் நடிகைகளில் ஒருவராக உருவெடுத்துள்ளார். இந்நிலையில், கயாடு லோகரின் மிகவும் அழகான மற்றும் கியூட்டான சிறுவயது புகைப்படம் ஒன்று சமூக வலைதளங்களில் வெளியாகி வைரலாகி வருகிறது.
இந்தப் புகைப்படத்தில் மிகவும் பொலிவாகவும், துருதுருவெனவும் இருக்கும் அந்தச் சிறுமி யார்? என்று ரசிகர்கள் பலரும் ஆச்சரியத்துடன் கேட்டு வந்தனர். பின்னர் அது நடிகை கயாடு லோகர் தான் என்பது உறுதி செய்யப்பட்டது. சமீபத்தில் அவர் நடித்த ‘ஃபங்கி’ (Funky) திரைப்படம் வெளியானதைத் தொடர்ந்து, அவர் தொடர்பான பல தகவல்கள் மற்றும் புகைப்படங்கள் இணையத்தில் டிரெண்டாகி வருகின்றன. அதில் குறிப்பாக இந்தச் சிறுவயது புகைப்படம் ரசிகர்களிடையே அதிக கவனத்தைப் பெற்றுள்ளது.
View this post on Instagram
கயாடு லோகர் தனது திரைப்பயணத்தை 2021-ல் கன்னடப் படமான ‘முகில்பேட்டே’ மூலம் தொடங்கினார். அதன் பிறகு மலையாளத்தில் ‘பத்தொன்பதாம் நூற்றாண்டு’ மற்றும் தெலுங்கில் ‘அல்லூரி’ ஆகிய படங்களில் நடித்தார். இருப்பினும், 2025-ல் வெளியான ‘டிராகன்’ திரைப்படம் அவருக்குத் தமிழில் மிகப்பெரிய அடையாளத்தைப் பெற்றுத் தந்தது. அந்தப் படத்தின் வெற்றிக்குப் பிறகு அவருக்குத் தமிழ் மற்றும் தெலுங்கில் அடுத்தடுத்துப் பட வாய்ப்புகள் குவிந்து வருகின்றன.
தற்போது நிலவரப்படி, கயாடு லோகர் கைவசம் பல பெரிய திட்டங்கள் உள்ளன. நயனிடம் (Nani) ஜோடியாக நடிக்கும் ‘த பாரடைஸ்’ (The Paradise), துல்கர் சல்மானின் ‘ஐ அம் கேம்’ (I’m Game) மற்றும் ஜி.வி. பிரகாஷுடன் ‘இம்மார்டல்’ பிஸியான சூழலுக்கு மத்தியில், அவரது சிறுவயது புகைப்படம் வைரலாவது அவரது ரசிகர்களுக்கு மகிழ்ச்சியை ஏற்படுத்தியுள்ளது.
சமூக வலைதளங்களில் இந்தப் புகைப்படத்தைப் பகிர்ந்து வரும் ரசிகர்கள், “சிறுவயதிலேயே கயாடு மிகவும் அழகாக இருக்கிறார்” என்றும், “அவரது கண்கள் இப்போதும் அதே பொலிவுடன் இருக்கிறது” என்றும் கருத்துக்களைப் பதிவிட்டு வருகின்றனர். ஒரு மாடலாகத் தனது வாழ்க்கையைத் தொடங்கி, இன்று தென்னிந்தியாவின் முன்னணி நடிகர்களுடன் ஜோடி சேரும் அளவிற்கு வளர்ந்துள்ள கயாடு லோகரின் இந்த மாற்றம் பலருக்கும் ஊக்கமளிப்பதாக அமைந்துள்ளது.
