தமிழ் திரையுலகின் லேடி சூப்பர் ஸ்டார் நயன்தாரா (Nayanthara) முதன்மைப் பாத்திரத்தில் நடித்துள்ள ‘மூக்குத்தி அம்மன் 2’ (Mookuthi Amman 2) திரைப்படம், வரவிருக்கும் தீபாவளிப் பண்டிகையைக் முன்னிட்டு வரும் நவம்பர் 6-ஆம் தேதி (November 6) திரையரங்குகளில் உலகளவில் பிரம்மாண்டமாக வெளியாகவுள்ளது.
இத்திரைப்படத்தின் வெளியீட்டை முன்னிட்டு, நடிகை நயன்தாரா தனது அதிகாரப்பூர்வ இணையதளத்தில் படக்குழுவினருக்கு நன்றி தெரிவித்து நெகிழ்ச்சியான அறிக்கை ஒன்றை வெளியிட்டுள்ளார். அதில், கேமராக்கள் சுழல்வது நின்ற பிறகும் சில திரைப்படங்கள் எப்போதும் மனதிற்கு மிக நெருக்கமாகவே இருக்கும் என்றும், அதில் ‘மூக்குத்தி அம்மன் 2’ தனக்கு மிகவும் சிறப்புமிக்க ஒரு படம் என்றும் அவர் குறிப்பிட்டுள்ளார்.
View this post on Instagram
இயக்குநர் சுந்தர் சி (Sundar C) அவர்களின் அர்ப்பணிப்பு, அன்பு மற்றும் பார்வைக்காக அவருக்கு மனமார்ந்த நன்றியைத் தெரிவித்துள்ள நயன்தாரா, அவருடன் பணிபுரிந்தது மறக்க முடியாத அனுபவமாக அமைந்தது எனக் கூறியுள்ளார். மேலும், கதையை முழுமையாக நம்பிப் பின்நின்ற தயாரிப்பாளர் இஷாரி கே. கணேஷ் (Ishari K. Ganesh) மற்றும் உடன் நடித்த ரெஜினா கசாண்ட்ரா (Regina Cassandra), குஷ்பூ (Khushbu), ஸ்னேகா (Sneha) ஆகிய முன்னணி நடிகைகளுக்கும் தனது அன்பையும் கட்டிப்பிடிப்புகளையும் பகிர்ந்து கொண்டுள்ளார். அனைவரும் இணைந்து உருவாக்கிய இந்த அற்புத உலகத்தை ரசிகர்கள் திரையில் காணத் தான் மிகவும் ஆவலுடன் காத்திருப்பதாக நயன்தாரா தெரிவித்துள்ளார்.
