தென்னிந்தியத் திரையுலகில் ஹாரர்-த்ரில்லர் ஜானரில் மிகப்பெரிய எதிர்பார்ப்பை ஏற்படுத்தியுள்ள பான்-இந்தியா திரைப்படமான ‘418’ படத்தின் ரிலீசுக்கு முந்தைய முக்கிய அறிவிப்பு வெளியாகியுள்ளது. கீர்த்தன் நாடகௌடா இயக்கத்தில், பிரசாந்த் நீல் பிரசன்டேஷனில் உருவாகியுள்ள இப்படத்தின் வருகைக்காக ரசிகர்கள் ஆவலுடன் காத்துக்கிட்டிருக்கும் நிலையில், படக்குழுவினரின் புதிய அப்டேட் தியேட்டர்களை அதிரவைக்கத் தயாராகியுள்ளது.
சினிமா பிரியர்களுக்கு மிரட்டலான திகில் விருந்தளிக்கத் தயாராகி வரும் ‘418’ படத்தின் சிறப்பு ப்ரீமியர் காட்சிகள் அக்டோபர் 22 அன்று இரவு 10:48 மணி ஷோ முதல் தொடங்கவுள்ளதாக அதிகாரப்பூர்வமாக அறிவிக்கப்பட்டுள்ளது. குறிப்பாக, இந்தச் சிறப்புத் திரையிடல்கள் அனைத்து முக்கியத் திரையரங்குகளிலும் அதிநவீன டால்பி அட்மாஸ் (Dolby Atmos) திரைகளில் மட்டுமே பிரத்யேகமாக நடத்தப்படவுள்ளன. இதன் மூலம் பார்வையாளர்கள் உச்சக்கட்ட சவுண்ட் எஃபெக்ட் மற்றும் தத்ரூபமான திகில் அனுபவத்தைப் பெற முடியும்.
View this post on Instagram
படத்திற்கான முன்பதிவு (Advance Bookings) நாளை முதல் தொடங்கவுள்ளதாகப் படக்குழு அறிவித்துள்ளது. தமிழ், தெலுங்கு, கன்னடம், இந்தி மற்றும் மலையாளம் ஆகிய ஐந்து மொழிகளிலும் பிரம்மாண்டமாக வெளியாகவுள்ள இப்படத்தின் டிக்கெட் புக்கிங் பெரும் வரவேற்பைப் பெறும் என எதிர்பார்க்கப்படுகிறது.
சைத்ரா ஆச்சார் மற்றும் சரண் லக்காராஜு உள்ளிட்டோர் முக்கியக் கதாபாத்திரங்களில் நடித்துள்ள இப்படத்தின் திகில் அனுபவத்தைத் திரையரங்குகளில் முன்கூட்டியே அனுபவிக்க ரசிகர்கள் தயாராகி வருகின்றனர். வரும் அக்டோபர் 23, 2026 அன்று உலகமெங்கும் திரைக்கு வரவிருக்கும் இப்படத்தின் ப்ரீமியர் காட்சிகள் பாக்ஸ் ஆபிஸில் மிகப்பெரிய ஓப்பனிங்கைப் பெறும் என வர்த்தக நிபுணர்கள் கணிக்கின்றனர்.
