தென்னிந்தியத் திரையுலகில் பார்வையாளர்களை இருக்கையின் நுனியில அமர வைக்கும் புதிய வகை ஹாரர்-த்ரில்லர் திரைப்படமாக உருவாகியுள்ள ‘418’ படத்தின் அதிகாரப்பூர்வ ரிலீஸ் ட்ரெய்லர் இன்று வெளியாகும் என்று படக்குழு தெரிவித்துள்ளது. திரையரங்குகளில் படம் வெளியாக இன்னும் சில நாட்களே உள்ள நிலையில், படக்குழு வெளியிட்டுள்ள இந்த இறுதி ட்ரெய்லர் சினிமா வட்டாரங்களிலும் ஹாரர் படப் பிரியர்களிடையே பெரும் எதிர்பார்ப்பை ஏற்படுத்தியுள்ளது. “கனவுத் தோற்றங்கள் நனவாகும் முன், இறுதி நடுக்கம் தொடங்கும்” என்ற ஹாலோவுடன் இந்த ட்ரெய்லர் சமூக வலைதளங்களில் வைரலாகி வருகிறது.
மூடப்பட்ட ஒரு மருத்துவக் கல்லூரி கட்டடம் மற்றும் அதன் கொடூரமான ரகசியங்களைத் தாங்கி நிற்கும் ‘அறை எண் 418’-ஐ மையமாகக் கொண்டு இந்தத் திரைக்கதை அமைக்கப்பட்டுள்ளது. கீர்த்தன் நாடகௌடா இயக்கத்தில் உருவாகியுள்ள இப்படத்திற்கு பிரபல இயக்குநர் பிரசாந்த் நீல் தனது ஆதரவையும் பிரசன்டேஷனையும் வழங்கியுள்ளது படத்தின் தரத்தை பல மடங்கு உயர்த்தியுள்ளது. ட்ரெய்லரில் இடம்பெறயுள்ள மிரட்டலான ஒளிப்பதிவும், முதுகுத் தண்டு சிலிர்க்க வைக்கும் பின்னணி இசையும் பார்வையாளர்களுக்கு ஒரு புதிய திரையரங்க அனுபவத்தைத் தரும் என்பதை உறுதிப்படுத்துகின்றன.
View this post on Instagram
இப்படத்தில் சைத்ரா ஆச்சார் மற்றும் சரண் லக்காராஜு உள்ளிட்ட திறமையான நடிகர்கள் முக்கியக் கதாபாத்திரங்களில் நடித்துள்ளனர். திகிலும் மர்மமும் நிறைந்த காட்சிகளுடன் உருவாக்கப்பட்டுள்ள இப்படம் தமிழ், தெலுங்கு, கன்னடம் மற்றும் இந்தி ஆகிய நான்கு மொழிகளில் பான்-இந்தியா (Pan-India) அளவில் வெளியாகவுள்ளது குறிப்பிடத்தக்கது. வரும் அக்டோபர் 23, 2026 அன்று உலகமெங்கும் உள்ள திரையரங்குகளில் வெளியாகவுள்ள இப்படத்தின் வருகைக்காக ரசிகர்கள் ஆவலுடன் காத்துக்கிடக்கின்றனர்.
