தமிழ் திரையுலகில் தனது தனித்துவமான திரைப்படங்கள் மற்றும் சமூக நலப்பணிகள் மூலம் தொடர்ந்து மக்களின் கவனத்தை ஈர்த்துவரும் தொழிலதிமரும் நடிகருமான லெஜெண்ட் சரவணன், மீண்டும் ஒருமுறை தனது நற்பண்பால் ரசிகர்களின் இதயங்களை வென்றுள்ளார். விஜயதசமி திருநாளை முன்னிட்டு, அகில இந்திய லெஜெண்ட் சரவணன் தலைமை ரசிகர் மன்றம் சார்பில் ஏற்பாடு செய்யப்பட்ட பிரம்மாண்டமான நலத்திட்ட உதவிகள் வழங்கும் விழா கோலாகலமாக நடைபெற்றது.
இந்த விழாவின் முக்கியக் சிறப்பம்சமாக, தினசரி உழைப்பை நம்பி வாழும் சுமார் 3,000 ஆட்டோ ஓட்டுநர்களுக்குத் தேவையான அத்தியாவசியப் பொருட்கள் மற்றும் நலத்திட்ட உதவிகள் வழங்கப்பட்டன. விழா நடைபெறும் இடத்திற்கு நடிகர் லெஜெண்ட் சரவணன் மாஸாக வந்திறங்கிய தருணம், அங்கு கூடியிருந்த ரசிகர்கள் மற்றும் பொதுமக்களிடையே பெரும் உற்சாகத்தை ஏற்படுத்தியது. அவரது வருகையை வரவேற்கும் விதமாக ரசிகர்கள் எழுப்பிய முழக்கங்கள் அரங்கை அதிரச் செய்தன.
View this post on Instagram
விழாவில் கலந்துகொண்ட ஆட்டோ ஓட்டுநர்களை அன்போடு வரவேற்று, தனது சொந்தக் கைகளால் நலத்திட்ட உதவிகளை வழங்கிய லெஜெண்ட் சரவணன், அவர்களுடன் சுமுகமாகப் பேசி நலம் விசாரித்தார். விழாவில் திரண்டிருந்த உழைப்பாளர் பெருமக்களுக்குத் தேவையான அனைத்து உதவிகளையும் தொடர்ந்து செய்வோம் என்று அவர் உறுதியளித்தார். நடிகர் லெஜெண்ட் சரவணனின் இந்தச் சமூகப் பொறுப்புணர்வு மிக்க செயலையும், அவரது பிரம்மாண்டமான வருகையையும் குறிக்கும் புகைப்படங்களும் வீடியோக்களும் தற்போது சமூக வலைதளங்களில் வைரலாகி வருவதுடன், சினிமா துறையினர் மற்றும் பொதுமக்களின் பாராட்டுக்களையும் குவித்து வருகின்றன.
