தென்னிந்தியத் திரையுலகில் தனித்துவமான கதைக்களங்களைத் தேர்ந்தெடுத்து நடித்து அசத்தி வரும் திறமையான நடிகர் பகத் பாசில் நடிப்பில் வெளியாகி ரசிகர்களைக் கவர்ந்துவரும் புதிய திரைப்படம் ‘டோன்ட் ட்ரபிள் தி ட்ரபிள்’. இயக்குனர் சசாந்த் யெலேட்டி இயக்கத்தில், பிரபல இயக்குனர் எஸ்.எஸ். ராஜமெளலி அவர்களின் பிரசன்டேஷனில் உருவான இந்தப் படம் திரையரங்குகளில் வெற்றிகரமாக ஓடிக்கொண்டிருக்கும் நிலையில், தற்போது படத்தின் ஓடிடி உரிமம் குறித்த அதிகாரப்பூர்வ தகவல் வெளியாகியுள்ளது.
இப்படத்தின் திரையரங்கிற்குப் பிந்தைய டிஜிட்டல் ஸ்ட்ரீமிங் உரிமையை (Post-Theatrical Rights) முன்னணி ஓடிடி தளமான நெட்ஃபிளிக்ஸ் (Netflix) நிறுவனம் அதிரடியாகக் கைப்பற்றியுள்ளது. திரையரங்குகளில் வெற்றிகரமான ஓட்டத்தை நிறைவு செய்த பிறகு, இப்படம் உலகெங்கிலும் உள்ள ரசிகர்களை ஓடிடி தளத்தில் ஈர்க்கத் தயாராகி வருகிறது.
மேலும், இந்தியாவின் முக்கிய மொழிகளில் இப்படத்தைக் கொண்டு சேர்க்கும் வகையில் பிரம்மாண்டமான ஏற்பாடுகள் செய்யப்பட்டுள்ளன. அதன்படி, மலையாளம், தமிழ், தெலுங்கு, கன்னடம் மற்றும் ஹிந்தி ஆகிய ஐந்து முக்கிய மொழி ஓடிடி ஆடியோ பதிப்புகளில் இப்படம் நெட்ஃபிளிக்ஸ் தளத்தில் வெளியாகவுள்ளது ரசிகர்களுக்குப் பெரும் விருந்தாக அமையும்.
திரையரங்குகளில் குடும்பங்கள் மற்றும் குழந்தைகளைக் கொண்டாட்ட மனநிலைக்கு அழைத்துச் சென்ற இந்தப் பேண்டஸி காமெடி படம், ஓடிடி வெளியீட்டின் மூலமாக இன்னும் அதிகமான பான்-இந்தியா ரசிகர்களைச் சென்றடையும் என்பதில் எந்தச் சந்தேகமும் இல்லை. விரைவில் நெட்ஃபிளிக்ஸ் தளத்தில் வெளியாகவுள்ள இப்படத்தின் அதிகாரப்பூர்வ ரிலீஸ் தேதிக்காக சினிமா பிரியர்கள் ஆவலுடன் காத்துக்கிடக்கின்றனர்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
