தமிழ் திரையுலகில் தனது வித்தியாசமான கதைக்களங்கள் மற்றும் வித்யாசமான இயக்கத்தால் ரசிகர்களை எப்போதும் ஈர்க்கும் முன்னணி இயக்குநரான கார்த்திக் சுப்புராஜின் தயாரிப்பில் உருவாகியுள்ள புதிய திரைப்படம் ‘டோரதி’ (Dorothy).
சனந்த் மற்றும் ரிஷிகாந்த் முக்கியக் கதாபாத்திரங்களில் நடித்துள்ள இப்படத்தில், நடிகை கீர்த்தி சுரேஷ் ஒரு சிறப்பான வேடத்தில் தோன்றியுள்ளார். மேலும், இசைஞானி இளையராஜா இப்படத்திற்கு இசையமைத்திருப்பது படத்தின் மீது கூடுதல் எதிர்பார்ப்பை ஏற்படுத்தியிருந்தது. கடந்த செப்டம்பர் 25-ம் தேதி உலகமெங்கும் உள்ள திரையரங்குகளில் வெளியான இப்படம், சினிமா விமர்சகர்கள் மத்தியில் நல்ல வரவேற்பைப் பெற்றதுடன், ரசிகர்களிடையே கலவையான விமர்சனங்களைப் பெற்றது.
திரையரங்குகளில் கலவையான வரவேற்பைப் பெற்றதைத் தொடர்ந்து, இப்படம் தற்போது ஓடிடி தளத்தில் ரசிகர்களைச் சந்திக்கத் தயாராகிவிட்டது. அதன்படி, பிரபல ஓடிடி தளமான நெட்ஃப்ளிக்ஸில் (Netflix) வரும் அக்டோபர் 23-ம் தேதி அன்று இப்படம் அதிகாரப்பூர்வமாக ஸ்ட்ரீமிங் செய்யப்படவுள்ளதாக தகவல்கள் கிடைத்துள்ளது. தியேட்டர் வெளியீட்டைக் காட்டிலும் ஓடிடி தளங்களில் இது போன்ற வித்தியாசமான திரில்லர் கதைகளுக்கு எப்போதும் தனி வரவேற்பு கிடைப்பது வழக்கம் என்பதால், நெட்ஃப்ளிக்ஸ் வருகைக்குப் பிறகு ‘டோரதி’ படத்திற்கு எத்தகைய வரவேற்பு கிடைக்கப் போகிறது என்பதைப் பொறுத்திருந்து தான் பார்க்க வேண்டும்.
