தமிழ் திரையுலகின் முன்னணி நாயகிகளில் ஒருவரான சமந்தா (Samantha Ruth Prabhu), முற்றிலும் புதியதொரு பரிமாணத்தில் களமிறங்கியுள்ளார். சோனி பிக்சர்ஸ் நெட்வொர்க்ஸ் இந்தியாவின் புதிய தமிழ் பொழுதுபோக்குத் தளமான சோனி விழா (Sony Vizha) மற்றும் சோனி லிவ் (Sony LIV) ஓடிடி தளத்தில் ஒளிபரப்பாக உள்ள ‘செலிபிரிட்டி மாஸ்டர் ஷெஃப் தமிழ்’ (Celebrity MasterChef Tamil) நிகழ்ச்சியை அவர் தொகுத்து வழங்குகிறார்.இது குறித்த அதிகாரப்பூர்வ அறிவிப்பு மற்றும் ஃபர்ஸ்ட் லுக் ப்ரோமோ தற்போது சமூக வலைதளங்களில் வெளியாகி ரசிகர்களின் கவனத்தை ஈர்த்துள்ளது.
உலகப் புகழ்பெற்ற ‘மாஸ்டர் ஷெஃப்’ (MasterChef) நிகழ்ச்சியின் வடிவத்தை அடிப்படையாகக் கொண்டு, முழுக்க முழுக்க தமிழ் கலாச்சாரம் மற்றும் தனித்துவமான சுவைகளுடன் இந்நிகழ்ச்சி உருவாக்கப்பட்டுள்ளது.தமிழ் திரையுலகின் பிரபல நட்சத்திரங்கள் தங்களது வழக்கமான நடிப்புத் துறையிலிருந்து விலகி, சமையலறையில் களமிறங்கி கடினமான சவால்களை எதிர்கொள்ள உள்ளனர்.போட்டியாளர்களின் சமையல் திறமை, சுவாரஸ்யமான சவால்கள் மற்றும் எதிர்பாராத திருப்பங்களுடன் இந்நிகழ்ச்சி ரசிகர்களுக்குப் பெரிய விருந்தாக அமையவுள்ளது.
இது குறித்து பேசிய நடிகை சமந்தா, “இந்த மகிழ்ச்சியான செய்தியை உங்களுடன் பகிர்வதில் நான் மிகவும் உற்சாகமாக இருக்கிறேன். ‘செலிபிரிட்டி மாஸ்டர் ஷெஃப் தமிழ்’ நான் இதுவரை செய்தவற்றிலிருந்து முற்றிலும் மாறுபட்டது. கேமராக்களுக்கு முன்பு தெரியாத பிரபலங்களின் மறுபக்கத்தையும், அவர்களின் உணவு ஆர்வம் மற்றும் சமையல் சவால்களையும் பார்க்க ரசிகர்கள் ஆவலுடன் காத்திருக்கலாம்” என்று தனது மகிழ்ச்சியை வெளிப்படுத்தியுள்ளார்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
