தமிழ் திரையுலகில் தனது தனித்துவமான இயக்கத்தின் மூலம் தொடர்ந்து கவனம் ஈர்த்து வருகிறார் இயக்குநர் ஆதிக் ரவச்சந்திரன். இவர் தற்போது தனது வரவிருக்கும் ‘டேர்டெவில்’ திரைப்படம் குறித்த சுவாரஸ்யமான தகவல்களைப் பகிர்ந்துள்ளார். இதுகுறித்து அவர் சமீபத்திய பேட்டி ஒன்றில் விரிவாகப் பேசுகையில், எங்களால் மீண்டும் ஒரு குட் பேட் அக்லி போன்ற படத்தை உருவாக்க முடியாது என்று குறிப்பிட்டார். அடுத்ததாக நாங்கள் களமிறங்கும் படம் அதற்கு முற்றிலும் மாறுபட்டதாக இருக்கும் என்றும் அவர் தெரிவித்தார்.
இது முழுக்க முழுக்க ஒரு கமர்ஷியல் திரைப்படமாக இருக்க முயற்சித்துவருவதாக இயக்குநர் கூறினார். குறிப்பாக அனைத்துத் தரப்பு மக்களையும், குடும்பங்கள், குழந்தைகள் மற்றும் அனைத்து வயதினரும் கொண்டாடும் வகையிலான ஒரு சிறந்த குடும்பத் திரைப்படமாக இதை உருவாக்கத் திட்டமிட்டுள்ளோம் என்றார்.
தொடர்ந்து பேசிய அவர், தனது சினிமா பயணத்தின் ஆரம்பத்தில் தான் சந்தித்த கடினமான கட்டம் குறித்தும் மனம் திறந்தார். தனது வாழ்க்கையின் மிகவும் சோதனையான கட்டத்தில் தான் ஒரு முக்கியமான நபரைச் சந்தித்ததாகவும், அப்போது அவர் தன்னிடம் தைரியமாக இருக்கச் சொன்னதாகவும் தெரிவித்தார். உன்னால் முடியும், எதற்காகவும் திசைமாறிச் சென்றுவிடாதே என்று அவர் அறிவுறுத்தினார் என்றார்.
அந்த வார்த்தைகள் தனது மனதில் பெரும் தாக்கத்தை ஏற்படுத்தியதாக ஆதிக் குறிப்பிட்டார். அதுவே தனக்கு மிகப்பெரிய உளவியல் மற்றும் தொழில்முறை உத்வேகத்தைத் தந்ததாகவும் அவர் தெரிவித்தார். அந்தத் தெளிவு பிறந்த பிறகுதான் தான் மார்க் ஆண்டனி போன்ற வெற்றிகரமான படத்தை இயக்க முடிந்தது என்றார். இவரது இந்தப் பேட்டி தற்போது சமூக வலைதளங்களில் சினிமா ரசிகர்கள் மத்தியில் பெரும் வைரலாக பரவி வருவதுடன், இப்படத்தின் மீதான எதிர்பார்ப்பையும் பல மடங்கு அதிகரித்துள்ளது.
