தமிழ் திரையுலகின் முன்னணி இசையமைப்பாளராகக் கோலோதி வரும் ராக்ஸ்டார் அனிருத், தனது இசைப் பயணத்தின் 15 ஆண்டுகளைக் கொண்டாடும் வகையில் புதிய ஆல்பமான ‘DC XV’ வெளியீட்டிற்காகத் தயாராகி வருகிறார். ரசிகர்களின் எதிர்பார்ப்பை உச்சத்திற்குக் கொண்டு செல்லும் வகையில், இப்படத்தின் முழுமையான ஆல்பம் மற்றும் டிராக்ட்லிஸ்ட் விவரங்கள் வெளியிடப்பட்டுள்ளன. வரும் ஜூலை 24, வெள்ளிக்கிழமை அன்று இந்த மியூசிக்கல் ஆல்பம் அதிகாரப்பூர்வமாக வெளிவரவுள்ளது.
அனிருத்தின் தனித்துவமான இசையில் உருவாகியுள்ள இந்த ‘DC XV’ ஆல்பம், அவரது முந்தைய பிளாக்பஸ்டர் ஹிட்களை மிஞ்சும் வகையில் நவீன ஒலிகளுடன் வடிவமைக்கப்பட்டுள்ளது. உலகளாவிய இசைப் பிரியர்களைக் குறிவைத்து உருவாக்கப்பட்டுள்ள இந்த ஆல்பத்தின் ஒவ்வொரு பாடலும் தனித்துவமான வைப் கொண்டுள்ளதாகத் தயாரிப்பு வட்டாரங்கள் தெரிவித்துள்ளன. வெளியீட்டுத் தேதி நெருங்கி வருவதால், சமூக வலைதளங்களில் அனிருத் ரசிகர்களின் கொண்டாட்டங்கள் இப்போதே தொடங்கிவிட்டன.
— Anirudh Ravichander (@anirudhofficial) July 21, 2026
வெள்ளித்திரையில் தொடர்ச்சியான வெற்றிகளைக் குவித்து வரும் அனிருத், இந்த ஆல்பத்தின் மூலமாக மீண்டும் தனது மேஜிக்கை நிகழ்த்தக் காத்திருக்கிறார். ஜூலை 24 அன்று வெளியாகவுள்ள இந்த இசை விருந்து, கோலிவுட் மற்றும் சர்வதேச மியூசிக் சார்ட்டுகளில் புதிய சாதனைகளைப் படைக்கும் என எதிர்பார்க்கப்படுகிறது. பாடல்கள் குறித்த கூடுதல் தகவல்கள் மற்றும் ப்ரோமோக்கள் விரைவில் அதிகாரப்பூர்வமாக வெளியாகவுள்ளன.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
