“எவ்வளவு பெரிய ஸ்டாராக இருந்தாலும் அப்பாவுக்கு மகன் தான்!”.. மெகாஸ்டார் சிரஞ்சீவியின் ‘மெகா 158’ படப்பிடிப்பு தளத்தில் ராம் சரண்.. தந்தை தின ஸ்பெஷல் வைரல் போட்டோ!
தெலுங்கு திரையுலகின் எவர்கிரீன் மெகாஸ்டார் சிரஞ்சீவி மற்றும் அவரது மகன் மெகா பவர்ஸ்டார் ராம் சரண் ஆகிய இருவருமே பான்-இந்தியா அளவில் கோடிக்கணக்கான ரசிகர்களைக் கொண்டு மாஸ் காட்டி வருபவர்கள். தற்பொழுது இயக்குநர் கே.எஸ். ரவீந்திரா (பாபி கொல்லி) இயக்கத்தில் சிரஞ்சீவி தனது 158-வது திரைப்படமான ‘மெகா 158’ (Chiru Bobby 2) திரைப்படத்தின் படப்பிடிப்பில் மிகவும் பிஸியாக ஈடுபட்டுள்ளார். இந்த சூழ்நிலையில், அண்மையில் கொண்டாடப்பட்ட தந்தை தினத்தை (Father’s Day) முன்னிட்டு, நடிகர் ராம் சரண் தனது தந்தைக்கு இன்ப அதிர்ச்சி கொடுக்கும் வகையில் நேரடியாகப் படப்பிடிப்பு தளத்திற்கு விசிட் அடித்துள்ளார்.
படப்பிடிப்பு தளத்தில் தந்தை மற்றும் மகன் இருவரும் இணைந்து மிகவும் எமோஷனலாகவும் பாசத்தோடும் நேரத்தைச் செலவிட்ட அரிய தருணங்களை அந்த படத்தின் தயாரிப்பு மற்றும் தொழில்நுட்பக் குழுவினர் தங்களது அதிகாரப்பூர்வ சமூக வலைதளப் பக்கங்களில் பகிர்ந்துள்ளனர். “திரையுலகில் எவ்வளவு பெரிய உச்ச நட்சத்திரமாக வளர்ந்தாலும், குடும்பத்தின் மீதான அன்பு, பெரியவர்களை மதிக்கும் பண்பு மற்றும் எளிமை ஆகியவற்றில் ராம் சரண் என்றும் மாறாதவர்” என்று படக்குழுவினர் தங்களது பதிவில் மிகவும் நெகிழ்ச்சியாகக் குறிப்பிட்டுள்ளனர். தந்தையின் மீது ராம் சரண் காட்டும் ஒவ்வொரு அசைவிலும் இருக்கும் மரியாதையும் பாசமும் தங்களது ஒட்டுமொத்த படக்குழுவையும் நெகிழ வைத்ததாக அவர்கள் தெரிவித்துள்ளனர்.
Heartwarming Father’s Day Moment on the Sets of #Mega158 ❤️🔥
The sets of #ChiruBobby2 witnessed a memorable moment on Father’s Day as Mega Power Star @AlwaysRamCharan paid a special visit to spend quality time with his father, Megastar @KChiruTweets Garu 🫶🏻
இயக்குநர் பாபி மற்றும் சிரஞ்சீவி கூட்டணியில் முன்னதாக வெளியான ‘வால்டேர் வீரய்யா’ திரைப்படம் பாக்ஸ் ஆபீஸில் ₹200 கோடிக்கும் மேல் வசூலித்து மெகா பிளாக்பஸ்டர் ஹிட்டடித்ததைத் தொடர்ந்து, இந்த ‘மெகா 158’ திரைப்படத்தின் மீதான எதிர்பார்ப்பு வணிக வட்டாரங்களில் மிக அதிகமாக உள்ளது. கேவிஎன் புரொடக்ஷன்ஸ் (KVN Productions) நிறுவனம் மிக பிரம்மாண்டமான பட்ஜெட்டில் தயாரிக்கும் இத்திரைப்படத்தில் பல முன்னணி நட்சத்திரங்கள் மற்றும் நேர்த்தியான தொழில்நுட்பக் கலைஞர்கள் இணைந்து பணியாற்றி வருகின்றனர்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
