தமிழ் சினிமாவுல ஸ்போர்ட்ஸ் பின்னணியில வர்ற காமெடி மற்றும் செண்டிமெண்ட் படங்களுக்கு எப்போதுமே தனி ரசிகர் பட்டாளம் உண்டு. அந்த வகையில, கணவன் – மனைவிக்கு இடையே நடக்கும் ஈகோ மற்றும் குஸ்தி சண்டையை மையமா வச்சு கடந்த 2022-ஆம் ஆண்டு வெளியாகி ரசிகர்களை வயிறு குலுங்க சிரிக்க வச்ச படம் தான் ‘கட்டா குஸ்தி’ (Gatta Kusthi).
விஷ்ணு விஷால் மற்றும் ஐஸ்வர்யா லட்சுமியின் அசாத்திய கெமிஸ்ட்ரியில் வெளியான இந்த படம் பாக்ஸ் ஆபீஸிலும் தூள் கிளப்பியது. தற்பொழுது ஒட்டுமொத்த ரசிகர்களும் ஆவலோடு எதிர்பார்த்திருந்த இந்த படத்தின் இரண்டாம் பாகமான ‘கட்டா குஸ்தி 2’ (Gatta Kusthi 2) படத்தின் ரிலீஸ் தேதி மாஸான அப்டேட்டுடன் வெளியாகியுள்ளது.
வேல்ஸ் ஃபிலிம் இண்டர்நேஷனல் (Vels Film International) மற்றும் விஷ்ணு விஷால் தயாரிப்பு நிறுவனம் (Vishnu Vishal Studioz) இணைந்து தயாரிக்கும் ‘கட்டா குஸ்தி 2’ திரைப்படம் வரும் ஜூலை 3, 2026 (July 3rd, 2026) அன்று திரையரங்குகளில் பிரம்மாண்டமாக வெளியாகவுள்ளதாக அறிவிக்கப்பட்டுள்ளது. “தி ஃபேமிலி கம்ஸ் பேக் டுகெதர், ஃபார் டபுள் தி ஃபன்!” (The family comes back together, for double the fun) என்கிற வெறித்தனமான கேப்ஷனுடன் தற்பொழுது இந்த அதிகாரப்பூர்வ சோசியல் மீடியா போஸ்ட் இணையத்தை அதிர வச்சுட்டு வருது. முதல் பாகத்தின் க்ளைமாக்ஸில் குஸ்தி சாம்பியனான ஐஸ்வர்யா லட்சுமிக்கு பெண் குழந்தை பிறப்பது போல முடித்திருந்த நிலையில், இந்த பார்ட் 2-வில் அந்த குஸ்தி குடும்பத்தின் அட்ராசிட்டிகள் இன்னும் டபுள் மடங்காக இருக்கும்னு சொல்லியிருக்காங்க.
இந்த இரண்டாம் பாகத்திலும் ரசிகர்களுக்குப் பிடித்த அந்த பழைய ‘ரிடைன்டு பிளேயர்ஸ்’ (Retained players) அத்தனை பேரும் அப்படியே களமிறங்குவது தான் இந்த படத்தின் மிகப்பெரிய பாசிட்டிவ் ஹைலைட். ஹீரோ விஷ்ணு விஷால் (Vishnu Vishal) மற்றும் ஹீரோயின் ஐஸ்வர்யா லட்சுமி (Aishwarya Lekshmi) ஜோடியோடு, முதல் பாகத்தில் காமெடி காம்போக்களாக கலக்கிய கருணாஸ், முனிஷ்காந்த் மற்றும் காளி வெங்கட் ஆகியோரும் இந்த பார்ட் 2-விலும் தங்களது அலப்பறையைத் தொடரவுள்ளனர். இவர்களைத் தவிர இந்த முறை சீக்வெல்லில் கூடுதல் சுவாரஸ்யத்திற்காக நடிகர் கருணாகரனும் ஒரு முக்கிய ரோலில் இணைந்திருக்கிறார்.
இயக்குநர் செல்ல அய்யாவு (Chella Ayyavu) இயக்கும் இந்த படத்திற்கு இந்த முறை மெலடி கிங் ஷான் ரோல்டன் (Sean Roldan) இசையமைக்கிறார் என்பது குறிப்பிடத்தக்கது. பக்கா ஃபேமிலி எண்டர்டெய்னராக, தியேட்டர்களில் விசில் சத்தம் பறக்குற மாதிரி இந்த படத்தை ஜூலை முதல் வாரத்துல ரிலீஸ் செய்ய படக்குழு பிளான் பண்ணியிருக்காங்க.
நிஜமாகவே, வரும் ஜூலை மாதத் தொடக்கத்தில் திரையரங்குகள் அனைத்தும் ஒட்டுமொத்த ரசிகர்களின் சிரிப்புச் சத்தத்தாலும், குதூகலத்தாலும் அதிரப்போவது மட்டும் உறுதி. அந்த அளவுக்கு தியேட்டர்களில் நூறு சதவீதம் பொழுதுபோக்கு உத்தரவாதத்துடன் வரவிருக்கும் இந்த ‘கட்டா குஸ்தி 2’ திரைப்படத்தின் அதிரடியான குஸ்தி சண்டைகளையும், குடும்ப அட்ராசிட்டிகளையும் பெரிய திரையில் பார்த்து ரசிக்க நாம் ஜூலை 3 வரை பொறுத்திருப்போம்!
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
