தமிழ் திரையுலகில் தற்போது மிகவும் எதிர்பார்க்கப்படும் திரைப்படங்களில் ஒன்றாக ‘ஜனநாயகன்’ (JanaNayagan) உருவெடுத்துள்ளது. இந்தப் படத்தை பிரம்மாண்டமான முறையில் தயாரித்துள்ள கேவிஎன் புரொடக்ஷன்ஸ் (KVN Productions) நிறுவனத்தின் தயாரிப்பாளர் வெங்கட், நடிகர் விஜய் அரசியலுக்கு வந்து முதல்வராகப் பதவியேற்றுள்ள விழாவில் காலந்துக்கொண்டதுடன், ‘ஜனநாயகன்’ படத்தின் தற்போதைய நிலை குறித்து செய்தியாளர் பேட்டி ஒன்றில் மிகுந்த உற்சாகத்துடன் பகிர்ந்துள்ளார்.
“ஜனநாயகன்” என்பது வெறும் ஒரு சினிமா தலைப்பு மட்டும்தான் என்று பலரும் நினைத்தார்கள். ஆனால், இன்று மக்கள் அதைக் கொண்டாடும் விதத்தைப் பார்க்கும்போது, அவர் (நாயகன்) உண்மையிலேயே தமிழ்நாட்டின் நாயகனாக, ஜன நாயகனாக மாறிவிட்டார் என்பது மகிழ்ச்சி அளிக்கிறது,” என்று வெங்கட் நெகிழ்ச்சியுடன் தெரிவித்துள்ளார்.
தணிக்கை சான்றிதழ் மற்றும் ரிலீஸ் பிளான்:
ரசிகர்களின் நீண்ட காலக் காத்திருப்புக்கு விரைவில் விடை கிடைக்கும் என்பதை உறுதிப்படுத்திய தயாரிப்பாளர், படத்தின் ரிலீஸ் குறித்த முக்கிய தகவலை வெளியிட்டார். “நாங்கள் தற்போது தணிக்கை சான்றிதழுக்காக (CBFC Certificate) காத்திருக்கிறோம். சென்சார் பணிகள் இறுதிக்கட்டத்தில் உள்ளன. சான்றிதழ் கைக்கு வந்த அடுத்த நிமிடம், படத்தின் அதிகாரப்பூர்வ ரிலீஸ் தேதியை அறிவிப்போம்,” என்று அவர் கூறியுள்ளார்.
தற்போது 2026-ம் ஆண்டின் கோடை விடுமுறை காலம் என்பதால், ஜூன் மாதத் தொடக்கத்தில் படத்தை வெளியிடப் படக்குழு திட்டமிட்டுள்ளதாகத் தெரிகிறது. சமூகக் கருத்துக்கள் மற்றும் அரசியல் மாற்றங்களைப் பேசும் படமாக இது உருவாகியுள்ளதால், இதற்குக் கூடுதல் பாதுகாப்பு மற்றும் தணிக்கை நடைமுறைகள் பின்பற்றப்பட்டு வருவதாகக் கூறப்படுகிறது.
பாக்ஸ் ஆபீஸில் ஒரு புதிய மைல்கல்?
சமீபத்தில் நடிகர் விஜய் அரசியலுக்கு வந்து முதல்வராகப் பதவியேற்றுள்ள சூழலில், ‘ஜனநாயகன்’ போன்ற அரசியல் தலைப்பு கொண்ட படங்களுக்குத் தமிழகத்தில் பெரும் வரவேற்பு கிடைத்து வருகிறது. சூர்யாவின் ‘கருப்பு’ திரைப்படம் மே 14 அன்று வெளியாகவுள்ள நிலையில், அதற்கு அடுத்தபடியாக ஜூன் மாதத்தில் ‘ஜனநாயகன்’ களம் காண உள்ளது.
கேவிஎன் புரொடக்ஷன்ஸ் நிறுவனம் ஏற்கனவே பல வெற்றிப் படங்களைத் தயாரித்துள்ள நிலையில், இந்தப் படம் அவர்களது கேரியரில் ஒரு முக்கிய மைல்கல்லாக இருக்கும் என எதிர்பார்க்கப்படுகிறது. படத்தின் டீசர் மற்றும் பாடல்கள் ஏற்கனவே ஹிட் அடித்துள்ள நிலையில், தணிக்கை சான்றிதழ் குறித்த அறிவிப்புக்காக ரசிகர்கள் தற்போது சமூக வலைதளங்களில் காத்திருக்கின்றனர்.
