இந்திய அளவில் ‘காந்தாரா’ படத்தின் மூலம் மிகப்பெரிய கவனத்தைப் பெற்றவர் நடிகர் மற்றும் இயக்குநர் ரிஷப் ஷெட்டி. எளிய பின்னணியில் இருந்து வந்து இன்று தேசிய விருது வரை வென்றுள்ள அவர், பல இளம் கலைஞர்களுக்கு முன்மாதிரியாகத் திகழ்கிறார். இந்நிலையில், ‘யூத்’ (Youth) திரைப்படத்தில் நடித்த கென் கருணாசஸை, வளர்ந்து வரும் இளம் கலைஞரை, ரிஷப் ஷெட்டியை நேரில் சந்தித்தது குறித்து கென் கருணாஸ் மிகவும் உருக்கமான பதிவு ஒன்றை வெளியிட்டுள்ளார்.
அந்தப் பதிவில், “ரிஷப் ஷெட்டி சாரை சந்தித்தேன்.. அப்போது என்னுள் இருந்த ஏதோ ஒன்று, ‘உன்னால் சாதிக்க முடியும், தொடர்ந்து முயற்சி செய்’ என்று சொல்வது போல இருந்தது” என அவர் நெகிழ்ச்சியுடன் குறிப்பிட்டுள்ளார். மேலும், தனது கனவுகளை நனவாக்கிக் கொண்டிருக்கும் ‘யூத்’ திரைப்படக் குழுவினருக்கும், இறைவனுக்கும் தனது நன்றியைத் தெரிவித்துக் கொண்டுள்ளார்.
View this post on Instagram
ரிஷப் ஷெட்டி எப்போதுமே வளரும் கலைஞர்களை ஊக்குவிப்பதில் ஆர்வம் கொண்டவர். ஒரு பெரிய நட்சத்திரமாக இருந்தும், புதுமுகங்களுக்கு அவர் அளிக்கும் மரியாதை மற்றும் ஊக்கம் பலரையும் கவர்ந்துள்ளது. இந்தச் சந்திப்பின் போது எடுக்கப்பட்ட புகைப்படங்கள் தற்போது இணையத்தில் வைரலாகி வருகின்றன. ‘யூத்’ திரைப்படம் ஒரு இளமை துள்ளல் நிறைந்த படைப்பாக உருவாகி, பிளாக் பஸ்டர் ஹிட்டாகி ஓடிடிலும் கலக்கி வரும் நிலையில், ரிஷப் ஷெட்டி போன்ற ஒரு ஆளுமையின் சந்திப்பு அந்தப் படக்குழுவினருக்குப் கூடுதல் உத்வேகத்தை அளித்துள்ளது என்பதில் சந்தேகமில்லை.
