தமிழ் திரையுலகில் இசையமைப்பாளர் மற்றும் நடிகராக வலம்வரும் ஜி.வி. பிரகாஷ் குமார் (G.V. Prakash Kumar) இசையில் உருவாகியுள்ள புதிய திரைப்படமான ‘யூத்’ (Youth) படத்தின் பாடல்கள் இணையத்தில் பெரும் சாதனையை நிகழ்த்தியுள்ளன. கென் கருணாஸ் இயக்கத்திலும் நடிப்பிலும் உருவாகியுள்ள இப்படத்தின் ஆல்பம், ரசிகர்கள் மத்தியில் மிகப்பெரிய வரவேற்பைப் பெற்றுள்ளதுடன், டிஜிட்டல் இசைத் தளங்களிலும் வரலாற்றுச் சாதனையைப் படைத்துள்ளது.
தற்போது வெளியாகியுள்ள அதிகாரப்பூர்வ தகவல்களின்படி, இப்படம் ஸ்பாட்டிஃபை (Spotify) தளத்தில் 110 மில்லியனுக்கும் அதிகமான ஸ்ட்ரீம்களையும், யூடியூப் (YouTube) தளத்தில் 530 மில்லியனுக்கும் அதிகமான பார்வைகளையும் கடந்து மிரள வைத்துள்ளது. நடப்பாண்டில் தமிழ் சினிமா இசை வரலாற்றில் பதிவான மிக உயர்ந்த சாதனைகளில் ஒன்றாக இது பார்க்கப்படுகிறது. ஜி.வி. பிரகாஷின் சொந்த லேபிளான @gvpkwav மூலமாக வெளியிடப்பட்ட முதல் ஆல்பம் இவ்வளவு பெரிய வரவேற்பைப் பெற்றிருப்பது படக்குழுவினரை உற்சாகத்தில் ஆழ்த்தியுள்ளது.
இப்படத்தின் வெற்றிக்குக் காரணமான இயக்குநர் கென் கருணாஸ் மற்றும் பார்வதி என்டர்டெயின்மென்ட் (Paarvathaa Ent) நிறுவனத்திற்குத் திரையுலகினர் மற்றும் ரசிகர்கள் தங்களது வாழ்த்துகளைத் தெரிவித்து வருகின்றனர். இதன் மூலம் ஜி.வி. பிரகாஷ் குமாரின் லேபிள் முதல் முயற்சியிலேயே கோலிவுட் ஆச்சரியத்தை ஏற்படுத்தியுள்ளது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
