தமிழ் திரையுலகின் லேடி சூப்பர்ஸ்டார் நயன்தாரா மற்றும் விக்னேஷ் சிவனின் ரவுடி பிக்சர்ஸ் தயாரிப்பில் தற்போது ‘ஹி’ (HI) திரைப்படம் விறுவிறுப்பாக உருவாகி வருகிறது. அறிமுக இயக்குனர் விஷ்ணு எடவன் இயக்கத்தில் கவின் கதாநாயகனாக நடிக்கும் இந்தப் படத்தின் படப்பிடிப்பு தளத்தில் ஒரு அதிரடியான சர்ப்ரைஸ் சம்பவம் நடந்துள்ளது. தமிழ் சினிமாவில் சுமார் 49 ஆண்டுகளைக் கடந்து தனது 50-வது ஆண்டில் அடியெடுத்து வைக்கும் சீனியர் நடிகை ராதிகா சரத்குமாரை கௌரவிக்கும் விதமாக இந்தப் படக்குழுவினர் ஒரு சிறப்பான கொண்டாட்டத்தை ஏற்பாடு செய்திருந்தனர்.
படப்பிடிப்பு தளத்திற்கு திடீரென வந்த நயன்தாரா மற்றும் விக்னேஷ் சிவன் ஜோடி, ராதிகாவிற்கு மலர்க்கொத்து கொடுத்து வாழ்த்து தெரிவித்தனர். இந்த ஸ்பெஷல் மொமெண்ட்டில் இயக்குனர் கே.பாக்யராஜ் மற்றும் நடிகர் கவின் உள்ளிட்ட மொத்த படக்குழுவினரும் இணைந்து கேக் வெட்டி ராதிகாவின் நீண்ட கால சினிமா பயணத்தைக் கொண்டாடினர். சக கலைஞர்கள் காட்டிய இந்த அன்பைக் கண்டு நடிகை ராதிகா மிகுந்த நெகிழ்ச்சி அடைந்துள்ளார். இது குறித்து அவர் தனது சமூக வலைதள பக்கத்தில் நயன்தாராவுக்கு நன்றி தெரிவித்து உருக்கமான பதிவு ஒன்றையும் பகிர்ந்துள்ளார்.
View this post on Instagram
தன்னுடைய உண்மையான வெற்றி என்பது சக கலைஞர்கள் காட்டும் இந்த அன்பில்தான் இருக்கிறது என அவர் அந்தப் பதிவில் குறிப்பிட்டுள்ளார். லோகேஷ் கனகராஜின் உதவி இயக்குனராக இருந்த விஷ்ணு எடவன் இயக்கும் இந்தப் படம் ஒரு பக்கா ஃபேமிலி என்டர்டெய்னராக உருவாகி வருகிறது. நயன்தாரா தயாரிப்பில் கவின் நடிப்பது இதுவே முதல்முறை என்பதால் படத்தின் மீதான எதிர்பார்ப்பு ஏகத்திற்கும் எகிறியுள்ளது. ஷூட்டிங் ஸ்பாட்டில் நடந்த இந்த செம்ம க்யூட்டான கொண்டாட்ட புகைப்படங்கள் தற்போது சோஷியல் மீடியாவில் செம்ம ட்ரெண்டாகி வருகிறது.
ராதிகா போன்ற ஒரு லெஜண்ட் நடிகையை படக்குழுவினர் இப்படி மாஸாக கொண்டாடிய விதம் சினிமா வட்டாரத்தில் பெரிய அளவில் பேசப்பட்டு வருகிறது. நயன்தாராவின் இந்த ஸ்வீட் சர்ப்ரைஸ் இப்போது கோலிவுட்டின் டாக் ஆஃப் தி டவுனாக மாறியுள்ளது. படத்தின் அடுத்தடுத்த அப்டேட்கள் வரும் ஏப்ரல் மாதம் வெளியாகும் என எதிர்பார்க்கப்படுகிறது.
