பாலா இவரது படங்களுக்கு என தனி மவுசு இருக்கத்தான் செய்கிறது. இவரது படங்கள் ஹிட் ஆகிறதோ இல்லையோ, அந்த படத்தின் ஹீரோ மெகா ஹிட் ஆகி விடுவார். அந்த அளவிற்கு ஆழமான நடிப்பு இருக்கும் படத்தில். சூர்யா, விக்ரம் இவர்களை எல்லாம் அடுத்த லெவலுக்கு எடுத்துச் சென்றவர் பாலா என்று சொல்லலாம்.
என்னதான் ஹீரோவாக அறிமுகம் ஆனாலும் அருண் விஜய்க்கு வாழ்வு கொடுத்த படம் என்று சொன்னால் அது “என்னை அறிந்தால்” ஆகத்தான் இருக்கும். நல்ல ஒரு வெற்றியை ருசி பார்க்க வேண்டும் என்ற நோக்கத்திலேயே இருந்து வருகிறார் அருண் விஜய். அவருக்கு அடித்தது லக் என்றே தான் சொல்ல வேண்டும் பாலா படத்தில் நடிக்க வாய்ப்பு கிடைத்தை.
ஜீ.வி.பிரகாஷ் குமார் இசையமைத்திருக்கிறார் “வணங்கான்” படத்திற்கு. இதன் டிரையலர் சற்று முன்னர் வெளியாகி உள்ளது. எப்பவும் போல பாலாவின் அதே ஆக்சன் பார்முலாவில் தான் படம் வந்திருக்கிறது என்பதை கிட்டத்தட்ட உறுதி படுத்தும் விதமாகவே இருக்கிறது.
ரோஷினி பிரகாஷ், சமுத்திரக்கனி, முனீஷ் காந்த் என பலரும் நடித்துள்ளார்கள். டிரையலரை ஆக்கிரமித்துள்ளது அருண் விஜய் மட்டும் தான். அவரின் ஆக்சன், ரொமேன்ஸ் சீன்களுக்கே அதிக முன்னுரிமை. ஆனால் அவரின் ரியாக்சன்களை எல்லாம் பார்த்தால் பாலாவின் முந்தைய பட ஹீரோக்கள் நினைவுக்கு வந்து விடுகிறார்கள்.
அருண் விஜய் காட்டியுள்ள அதிரடியை பார்த்தால் இந்த படத்திற்கு பிறகு நிச்சயமாக ஒரு பெரிய டுவிஸ்ட் இருக்கும் என்ற எதிர்பார்ப்பு கூடத்தான் செய்கிறது. அதே மாதிரி தான் தொடர்ச்சியாக தோல்விகளை பார்த்தே வரும் பாலாவிற்கும் இது மிகப்பெரிய திருப்புமுனையையும் கொடுக்க வேண்டும் எனபதுவும் பலரின் எதிர்பார்ப்பாகவே இருக்கக்கூடும்.
