ஆதார் கார்டு இன்னும் அப்டேட் பண்ணலையா..? டிசம்பர் 14ஆம் தேதி வரை… வெளியான சூப்பர் அறிவிப்பு…!

ஆதார் கார்டை இன்னும் புதுப்பிக்காதவர்கள் வரும் டிசம்பர் 14ஆம் தேதி வரை இலவசமாக புதுப்பித்துக் கொள்ளலாம் என தெரிவிக்கப்பட்டுள்ளது.

இந்திய மக்களின் அடையாளமாக ஆதார் கார்டு பார்க்கப்படுகின்றது. அனைத்து அரசு சேவைகளுக்கும் ஆதார் கார்டு முக்கியமாகின்றது. வங்கி கணக்கு தொடங்குவதில் தொடங்கி டிரைவிங் லைசன்ஸ், பான் கார்டு உள்ளிட்ட அரசின் அனைத்து சேவைகளையும் பெறுவதற்கு ஆதார் கார்டு மிக கட்டாயம். இதனால் அனைவரும் தற்போது ஆதார் கார்டு வைத்திருக்கிறார்கள்.

ஆதார் கார்டு வைத்திருப்பவர்கள் ஒவ்வொரு 10 ஆண்டுகளுக்கு ஒரு முறை தங்களின் ஆதார் கார்டை புதுப்பிக்க வேண்டும் என ஆதார் ஆணையம் அறிவுறுத்துகின்றது. அதில் புதுப்பிப்பு என்பது பலரும் தங்களது முகவரி மற்றும் செல்போன் எண்களை மாற்றி இருப்பார்கள், முகங்களை மாற்றி இருப்பார்கள். ஆனால் ஆதாரில் பழைய புகைப்படங்கள் இருக்கும்.

அதே போல் தான் கைரேகை மாறி இருந்தால் அவர்களால் ரேஷன் கடை, வங்கிகள் மற்றும் சிம்கார்டு வாங்கும் இடங்களில் சுயசான்று செய்யும்போது பிரச்சினை ஏற்படும். இந்த பிரச்சனையை தீர்க்க தான் 10 ஆண்டுகளுக்கு ஒருமுறை ஆதார் கார்டு புதுப்பிக்க வேண்டும் என்று ஆதார் அணையம் தெரிவிக்கின்றது.

10 ஆண்டுகளான பிறகு சம்பந்தப்பட்டவர்களுக்கு குறுஞ்செய்தி அனுப்பப்படும். அவர்கள் அருகில் உள்ள ஆதார மையத்திற்கு சென்று தங்களின் ஆதார் கார்டுகளை புதுப்பித்துக் கொள்ளலாம். அப்போது புகைப்படங்கள் கை ரேகைகளை புதிதாக பதிவு செய்து கொள்ள முடியும். ஆதார் கார்டுகளை நாளை மறுதினம் வரை இலவசமாக புதுப்பித்துக் கொள்ளலாம் என ஏற்கனவே தெரிவிக்கப்பட்டது.

செப்டம்பர் 14ஆம் தேதிக்குப் பிறகு பணம் செலுத்த வேண்டி இருக்கும் என்று கூறப்பட்டிருந்தது. இந்நிலையில் செப்டம்பர் 14ஆம் தேதி வரை இலவசமாக அப்டேட் செய்து கொள்ளலாம் என்ற சலுகை தற்போது டிசம்பர் 14ஆம் தேதி வரை நீட்டிக்கப்பட்டிருக்கின்றது. அதன்படி வருகிற டிசம்பர் 14ஆம் தேதி வரை இலவசமாக உங்களின் ஆதார் கார்டுகளை புதுப்பித்துக் கொள்ள முடியும். ஆன்லைன் மூலம் முகவரியையும் மாற்றிக் கொள்ளலாம். இதற்கு 50 ரூபாய் கட்டணம் செலுத்த வேண்டி இருக்கும்.