தமிழ் திரையுலகின் இரண்டு பிரம்மாண்ட தூண்களாகக் கருதப்படும் முன்னணி இயக்குநர்கள் ஷங்கர் (Shankar) மற்றும் ஏ.ஆர்.முருகதாஸ் (AR Murugadoss) ஆகியோர் முதன்முறையாக இணைந்து பணியாற்றவுள்ளதாகத் தகவல்கள் வெளியாகியுள்ளன. கோலிவுட் வட்டாரத்தில் தீயாய் பரவி வரும் இந்தப் புதிய சினிமா கூட்டணி குறித்த செய்தி தற்போது ஒட்டுமொத்த ரசிகர்களின் கவனத்தையும் ஈர்த்துள்ளது.
வெளியான தகவல்களின்படி, இப்படத்திற்கான கதையை ஏ.ஆர்.முருகதாஸ் எழுதவுள்ளதாகவும், இப்படத்தை இயக்குநர் ஷங்கர் இயக்கவுள்ளதாகவும் கூறப்படுகிறது. தமிழ் சினிமாவின் பிளாக்பஸ்டர் ஹிட் படங்களைக் கொடுத்துள்ள இந்தச் புகழ்பெற்ற இரட்டையர்கள், இப்படத்தை நேரடியாகத் தெலுங்குத் திரையுலகில் (Telugu Film) பிரம்மாண்டமான முறையில் இயக்கத் திட்டமிட்டுள்ளதாகத் தெரிகிறது. இதுவரை தனித்தனியே இந்தியத் திரையுலகைக் கலக்கிய இந்த இருபெரும் படைப்பாளிகள் இணைவது தெலுங்கு மற்றும் தமிழ் சினிமா வட்டாரத்தில் பெரும் எதிர்பார்ப்பை ஏற்படுத்தியுள்ளது. இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
