பாலிவுட் சூப்பர் ஸ்டார் சல்மான் கான் (Salman Khan) மற்றும் ‘வாரிசு’ பட புகழ் இயக்குனர் வம்சி பைடிபள்ளி (Vamshi Paidipally) இணையும் புதிய திரைப்படம் குறித்த அதிகாரப்பூர்வ அறிவிப்பு இன்று வெளியாகியுள்ளது. ஸ்ரீ வெங்கடேஸ்வரா கிரியேஷன்ஸ் (Sri Venkateswara Creations) தயாரிப்பில் உருவாகும் இந்தப் படத்தின் தொடக்க விழா இன்று ஏப்ரல் 22, 2026 அன்று மும்பையில் மிகவும் கோலாகலமாக நடைபெற்றது.
மிகவும் மங்கலகரமான தொடக்கத்துடன், துடிப்பான சூழலில் இந்தப் படத்தின் பூஜையை நடத்தியுள்ளதாகத் தயாரிப்பு நிறுவனம் தனது சமூக வலைதளப் பக்கங்களில் தெரிவித்துள்ளது. தில் ராஜு (Dil Raju) தயாரிக்கும் இந்தப் படம், நேரடி பாலிவுட் படமாக இருந்தாலும், தென்னிந்தியத் திரையுலகின் டாப் டெக்னீஷியன்கள் இதில் பணியாற்றி வருகின்றனர்.
View this post on Instagram
விஜய் நடித்த ‘வாரிசு’ மற்றும் மகேஷ் பாபுவின் ‘மகரிஷி’ போன்ற படங்களைக் கொடுத்த வம்சி பைடிபள்ளி, முதன்முறையாக சல்மான் கானை இயக்குவது இந்தியத் திரையுலகில் ஒரு பெரிய எதிர்பார்ப்பை ஏற்படுத்தியுள்ளது. மும்பையில் இருந்து வந்துள்ள இந்த மெகா அப்டேட் ரசிகர்களுக்கு இரட்டை விருந்தாக அமைந்துள்ளது.
இந்தப் படத்தில் நடிக்கும் மற்ற நட்சத்திரங்கள் மற்றும் தொழில்நுட்பக் ஞர்கள் குறித்த விவரங்களை விரைவில் வெளியிடப் படக்குழு திட்டமிட்டுள்ளது. “மெகா ஹிட் கூட்டணி” – சல்மான் கானின் ஆக்ஷனும், வம்சியின் எமோஷனும் சேரும் ஒரு பான்-இந்தியா விருந்து. இந்தப் படம் 2027-ம் ஆண்டு ரிலீஸை இலக்காகக் கொண்டு உருவாகவுள்ளதாகத் தெரிகிறது.
