அரசு பள்ளிகளில் 10 நாட்கள் குறைக்கப்பட்டு அது ஆசிரியர்களுக்கான கல்விசார் பயிற்சி நாளாக இருக்கும் என்று தெரிவிக்கப்பட்டிருக்கின்றது.
தமிழகத்தில் கோடை விடுமுறை முடிந்து கடந்த மே மாதம் பள்ளிகள் திறக்கப்பட்டது. இதையடுத்து மாணவ, மாணவிகள் ஆர்வமுடன் பள்ளிகளுக்கு சென்று வருகிறார்கள். நடப்பு கல்வி ஆண்டில் 2024 மற்றும் 25ஆம் கல்வியை ஆண்டில் புதிதாக என்ன ஏற்பாடுகள் செய்யப்பட்டுள்ளன என்று பள்ளி நாட்காட்டி ஒன்றை பள்ளிக்கல்வித்துறை சார்பாக வெளியிடப்பட்டது.
அதில் பொதுவாக ஒவ்வொரு கல்வி ஆண்டும் 210 சராசரி வேலை நாட்களை கொண்டிருக்கும். ஆனால் நடப்பு கல்வி ஆண்டில் 220 நாட்களை வேலையை நாட்களாகக் கொண்டு நாட்காட்டி வெளியிடப்பட்டது. இதை பார்த்த பலரும் வேலை நாட்களை குறைக்க வேண்டும் என்று தங்களது கோரிக்கைகளை தெரிவித்து வந்தனர்.
இந்நிலையில் பல்வேறு தரப்பினரின் கோரிக்கைகளை ஏற்ற பள்ளி கல்வித்துறை தமிழகத்தில் உள்ள அனைத்து அரசு பள்ளிகளில் நடப்பு கல்வி ஆண்டின் 10 வேலை நாட்களை குறைத்து 210 வேலை நாட்கள் இருக்கும் புதிய திருத்தப்பட்ட நாட்காட்டியை வெளியிட்டு இருக்கின்றது .பள்ளிக் கல்வித் துறையால் வெளியிடப்பட்ட இந்த நாட்காட்டியில் 10 நாட்கள் குறைக்கப்பட்டுள்ளதால் அது ஆசிரியர்களுக்கான கல்விசார் பயிற்சி நாளாக இருக்கும் என்று தெரிவிக்கப்பட்டிருக்கின்றது.
