தமிழ் சினிமா ரசிகர்கள் ஆவலுடன் எதிர்பார்த்துக்கொண்டிருக்கும் ‘லவ் இன்சூரன்ஸ் கம்பெனி’ (LIK) படத்தின் ரிலீஸ் வேலைகள் இப்போது சூடுபிடிக்கத் தொடங்கியுள்ளன. பலமுறை தள்ளிப்போன இந்தப் படம், ஒருவழியாக வரும் ஏப்ரல் 10-ம் தேதி உலகம் முழுவதும் திரையரங்குகளில் வெளியாகிறது. இதையொட்டி, படத்தின் பிரம்மாண்டமான ப்ரீ-ரிலீஸ் ஈவென்ட் வரும் ஏப்ரல் 6-ம் தேதி, திங்கட்கிழமை அன்று சென்னை ஆவடியில் உள்ள வேல்டெக் (Vel Tech) பல்கலைக்கழகத்தில் நடைபெற உள்ளது.
ஆவடியில் ஒரு தரமான சம்பவம்… பிரதீப் ரங்கநாதனுக்கு எப்போதுமே இளைஞர்கள் மற்றும் கல்லூரி மாணவர்கள் மத்தியில் ஒரு தனி மவுசு உண்டு. அதைக் குறிவைத்தே, இந்த மாஸ் ஈவென்ட்டை வேல்டெக் யுனிவர்சிட்டி வளாகத்தில் நடத்த படக்குழு முடிவு செய்துள்ளது. இந்த விழாவில் ஹீரோ பிரதீப் ரங்கநாதன், நாயகி க்ரித்தி ஷெட்டி, இயக்குனர் விக்னேஷ் சிவன் மற்றும் முக்கிய கதாபாத்திரத்தில் நடித்துள்ள எஸ்.ஜே. சூர்யா உள்ளிட்ட படக்குழுவினர் அனைவரும் நேரிலேயே களம் இறங்குகிறார்கள்.
View this post on Instagram
ஏற்கனவே அனிருத் இசையில் வெளியான ‘மின்னலே’ உள்ளிட்ட பாடல்கள் இன்ஸ்டா ரீல்ஸ்களில் ரவுண்டு கட்டி வருகின்றன. இந்த விழாவில் அனிருத்தின் அதிரடி பெர்பார்மென்ஸ்கள் இருக்கும் என்பதால் ஆவடி ஏரியாவே இப்போதே திருவிழா கோலம் பூண்டுள்ளது. முதலில் ஏப்ரல் 3-ம் தேதி ரிலீஸாக வேண்டிய இந்தப் படம், மலேசியாவில் சென்சார் பணிகளில் ஏற்பட்ட சில சிக்கல்கள் காரணமாக ஏப்ரல் 10-க்கு மாற்றப்பட்டது.
ரிலீஸ் அப்டேட் என்னவென்றால்… விக்னேஷ் சிவன் தனது வழக்கமான “Trust Me Bro” ஸ்டைலில் வீடியோ போட்டு புதிய ரிலீஸ் தேதியை உறுதிப்படுத்தியுள்ளார். ஏற்கனவே சென்சாரில் ‘U/A’ சான்றிதழ் பெற்றுள்ள இந்தப் படம், சுமார் 2 மணி நேரம் 36 நிமிடம் ஓடக்கூடிய ஒரு ஜாலியான ஃபேண்டஸி எண்டர்டெய்னராக உருவாகியுள்ளது. லவ்வை இன்சூரன்ஸ் செய்யும் ஒரு வித்தியாசமான கம்பெனி, அதில் நடக்கும் டெக்னாலஜி கலாட்டாக்கள் என இளைஞர்களைக் கவரும் அத்தனை அம்சங்களும் படத்தில் தாராளமாக உள்ளன.
கல்லூரி மாணவர்கள் மத்தியில் இந்த ப்ரீ-ரிலீஸ் ஈவென்ட் நடத்தப்படுவது படத்திற்கான ஹைப்பை இன்னும் பல மடங்கு எகிற வைத்துள்ளது. பிரதீப் ரங்கநாதனின் முந்தைய ஹிட் படங்களான கோமாளி மற்றும் லவ் டுடே வரிசையில் இதுவும் ஒரு மெகா ஹிட்டாக அமையுமா என்பதைப் பார்க்க ஒட்டுமொத்த கோலிவுட்டும் ஆவலுடன் காத்திருக்கிறது. ஏப்ரல் 6-ம் தேதி மாலை வேல்டெக் பல்கலைக்கழகமே ரசிகர்களின் கூட்டத்தால் அதிரப்போவது மட்டும் உறுதி.
