தமிழ் சினிமா உலகில் ஒவ்வொரு புதிய படைப்பும் ரசிகர்களிடையே எதிர்பார்ப்பை ஏற்படுத்தி வரும் நிலையில், தற்போது நடிகர் தர்ஷன் கணேசன் நடிப்பில் உருவாகியுள்ள ‘லெனின் பாண்டியன்’ திரைப்படம் குறித்த லேட்டஸ்ட் அப்டேட் வெளியாகியுள்ளது. லெஜண்ட் நடிகர் சிவாஜியின் பேரனான தர்ஷன் கணேசன் இப்படத்தின் மூலம் நாயகனாகக் களமிறங்குவது சினிமா வட்டாரத்தில் பெரும் பேசும் பொருளாக மாறியுள்ளது. இவருடன் இணைந்து ரோஜா, கங்கை அமரன் மற்றும் அர்ச்சனா உள்ளிட்ட முன்னணி நட்சத்திரங்கள் முக்கிய வேடங்களில் நடித்து வருவது படத்தின் பலத்தை மேலும் கூட்டியுள்ளது.
இப்படத்தின் மிகப்பெரிய ஹைலைட்டாக இசைஞானி இளையராஜாவின் இசை, படத்தின் ஒவ்வொரு பாடலும், பின்னணி இசையும், மியூசிக் மேஜிக்கை உருவாக்கும் என்று எதிர்பார்க்கப்படுகிறது. அறிமுக இயக்குநர் டி.டி. பாலச்சந்திரன் இப்படத்தை மிகவும் கமர்ஷியலாகவும், அழுத்தமான கதைக் களத்துடனும் இயக்கியுள்ளார். தற்போது படக்குழு வெளியிட்டுள்ள புதிய புரோமோ சமூக வலைதளங்களில் வெளியாகி ரசிகர்களின் கவனத்தை ஈர்த்து வருகிறது.
View this post on Instagram
“A powerful story is ready to unfold” என்ற மிரட்டலான கேப்ஷனுடன் வெளியாகியுள்ள இந்த புதிய புரோமோ, திரையரங்குகளில் ஒரு வித்தியாசமான சினிமா அனுபவத்தை உறுதிப்படுத்துகிறது. இளையராஜாவின் இசை மற்றும் நட்சத்திர பட்டாளத்தின் நடிப்புத் திறமை ஆகியவை இப்படத்தின் மீதுள்ள எதிர்பார்ப்பை பல மடங்கு உயர்த்திவிட்டன. ரசிகர்கள் நீண்ட நாட்களாக எதிர்பார்த்துக் காத்திருந்த இந்த திரைப்படத்தின் வெளியீட்டுத் தேதி தற்போது அதிகாரப்பூர்வமாக உறுதிப்படுத்தப்பட்டுள்ளது.
அதன்படி, ‘லெனின் பாண்டியன்’ திரைப்படம் வருகிற செப்டம்பர் 25, 2026 அன்று உலகளாவிய திரையரங்குகளில் பிரம்மாண்டமான முறையில் வெளியாகிறது. தியேட்டர்களில் குடும்பத்துடன் காண வேண்டிய ஒரு சிறந்த படைப்பாக இப்படம் அமையும் என்பதில் சந்தேகமில்லை. வெளியீட்டுத் தேதி நெருங்கி வருவதால், படத்தின் அடுத்தடுத்த விளம்பரப் பணிகளும் டிரெய்லர் வெளியீடும் விரைவில் தொடங்கும் என எதிர்பார்க்கப்படுகிறது.
