தமிழ் சினிமாவில் ஒவ்வொரு திரைப்படத்திலும் வித்தியாசமான கதைக்களங்களைத் தேர்ந்தெடுத்து நடித்து வரும் முன்னணி நடிகர் ரவி மோகன் (ஜெயம் ரவி). தற்பொழுது இவரது 34-வது திரைப்படமாக முழுக்க முழுக்க அரசியல் மற்றும் கேங்ஸ்டர் பின்னணியில் தீவிரமான அரசியல் த்ரில்லர் பாணியில் உருவாகி வரும் திரைப்படம் ‘கராத்தே பாபு’ (Karathey Babu). அண்மையில் வெளியான இப்படத்தின் அதிரடி டீசர் ரசிகர்களிடையே மிகப்பெரிய எதிர்பார்ப்பை ஏற்படுத்தியிருந்த நிலையில், தற்பொழுது இப்படத்தின் முதல் சிங்கிள் பாடலான ‘ராசாதி ராசா’ (Raasaadhi Raasaa) இன்று மாலை 6 மணிக்கு அதிகாரப்பூர்வமாக வெளியாகவுள்ளதாக படக்குழுவினர் அறிவித்துள்ளனர்.
View this post on Instagram
கடந்த ஆண்டு கவின் நடிப்பில் வெளியாகி பிளாக்பஸ்டர் ஹிட்டான ‘டாடா’ (Dada) திரைப்படத்தை இயக்கிய இயக்குநர் கணேஷ் கே பாபு இத்திரைப்படத்தை இயக்கியுள்ளார். ஸ்கிரீன் சீன் மீடியா என்டர்டெயின்மென்ட் (Screen Scene Media) நிறுவனம் மிக பிரம்மாண்டமான பொருட்செலவில் தயாரிக்கும் இப்படத்திற்கு, மிரட்டலான பின்னணி இசைக்கு பெயர் போன சாம் சி.எஸ் (Sam C.S.) இசையமைத்துள்ளார். ஒரு பலம் வாய்ந்த அரசியல் தலைவனின் எழுச்சி மற்றும் வீழ்ச்சியை மையமாகக் கொண்டு இந்த பாடல் வடிவமைக்கப்பட்டுள்ளதாக படக்குழுவினர் ஒரு குட்டி ஹிண்ட் கொடுத்துள்ளனர்.
பாடகி மீனாட்சி இளையராஜா வரிகள் எழுதி பாடியுள்ள இந்த ‘ராசாதி ராசா’ பாடல், திரையரங்குகளில் ரவி மோகனின் அரசியல் கதாபாத்திரத்திற்கான மாஸான ஓப்பனிங் சாங்காக இருக்கும் என்று எதிர்பார்க்கப்படுகிறது. இத்திரைப்படத்தில் ரவி மோகனுக்கு ஜோடியாக தமிழ்நாட்டின் முன்னாள் டிஜிபி சங்கர் ஜிவாலின் மகள் தவ்தி எஸ். ஜிவால் (Daudee S Jiwal) கதாநாயகியாக கோலிவுட்டில் அறிமுகமாகிறார். இவர்களுடன் நாசர், கே.எஸ். ரவிக்குமார், காளி வெங்கட், விடிவி கணேஷ் மற்றும் சக்தி வாசுதேவன் ஆகியோர் முக்கிய வேடங்களில் நடித்துள்ளனர். இன்று மாலை 6 மணிக்கு வெளியாகவுள்ள இந்த ஃபர்ஸ்ட் சிங்கிள் ப்ரோமோ தற்பொழுது சோசியல் மீடியாவில் ட்ரெண்டாகி வருகிறது.
