தமிழ் திரையுலகின் ஸ்டார் கிட் ஜேசன் சஞ்சய், தனது சினிமா என்ட்ரி குறித்த அதிகாரப்பூர்வமான தகவல்களைப் பகிர்ந்துள்ளார். முதல்வர் சி. ஜோசப் விஜய் மற்றும் தனது குடும்பத்தினர் தனக்குக் கொடுத்த ஆதரவு குறித்து அவர் மிகவும் நெகிழ்ச்சியுடன் பேசியுள்ளார்.
“எனது சினிமா வருகை குறித்து அப்பா (முதல்வர் விஜய்), அம்மா (சங்கீதா), சகோதரி மற்றும் நண்பர்களிடம் பேசினேன். அவர்கள் அனைவரும் மிகவும் நேர்மறையான கருத்துக்களைத் தெரிவித்து, எனக்குப் பெரிய ஊக்கத்தை அளித்தனர். அவர்கள் என் மீது வைத்திருந்த நம்பிக்கை என்ன என்பதை நான் அப்போதுதான் உணர்ந்தேன்,” என்று ஜேசன் சஞ்சய் குறிப்பிட்டுள்ளார்.
சிறுவயது முதலே சினிமா பின்னணியுடன் வளர்ந்த ஜேசன் சஞ்சய்க்கு, படப்பிடிப்புத் தளங்கள் மற்றும் திரைப்படங்கள் புதியவை அல்ல. “நான் மிகவும் சிறிய வயதிலிருந்தே ஷூட்டிங் ஸ்பாட்களுக்குச் சென்றுள்ளேன். பல திரைப்படங்களின் பிரீமியர் காட்சிகளைப் பார்த்திருக்கிறேன். படங்கள் பார்ப்பதுதான் என்னுடைய மிகப்பெரிய பொழுதுபோக்கு. இன்று நாம் அனைத்து வகை திரைப்படங்களையும் திரையரங்குகளில் காணும் வாய்ப்பைப் பெற்றுள்ளோம்,” என்று தனது சினிமா மீதான காதலை வெளிப்படுத்தியுள்ளார்.
முதல்வர் விஜய்யின் வாரிசு என்ற அடையாளம் இருந்தாலும், சொந்தத் திறமையால் திரையுலகில் தடம் பதிக்க ஜேசன் சஞ்சய் முயற்சிப்பது ரசிகர்களிடையே பெரும் எதிர்பார்ப்பை உருவாக்கியுள்ளது. தந்தை முதல்வராகப் பொறுப்பேற்றிருக்கும் சூழலில், மகன் சினிமாவில் களமிறங்குவது திரையுலகில் முக்கியப் பேசுபொருளாக மாறியுள்ளது. ஜேசன் சஞ்சய்யின் இந்த நேர்காணல், அவரது முதிர்ச்சியையும், சினிமா மீதான ஆர்வத்தையும் வெளிப்படுத்துவதாக ரசிகர்கள் சமூக வலைதளங்களில் பாராட்டி வருகின்றனர். வரும் நாட்களில் அவரது முதல் திரைப்படம் குறித்த அதிகாரப்பூர்வ அறிவிப்பு வெளியாகலாம் என எதிர்பார்க்கப்படுகிறது. தந்தை வழியில் மகனும் திரையுலகில் சாதிப்பாரா என்பதைப் பொறுத்திருந்து பார்ப்போம்.
