தமிழ் திரையுலகின் லெஜண்ட் இயக்குநர் மணிரத்னம் (Mani Ratnam) இயக்கத்தில், மக்கள் செல்வன் விஜய் சேதுபதி (Vijay Sethupathi) மற்றும் புன்னகை அரசி சாய் பல்லவி (Sai Pallavi) முதன்முறையாக இணைந்து நடிக்கும் முழுமையான காதல் திரைப்படமான ‘இஞ்சி வெல்லம்’ (Inji Vellam) குறித்த லேட்டஸ்ட் தகவல்கள் வெளியாகி உள்ளன. கடந்த ஜூலை 23 அன்று தொடங்கிய இப்படத்தின் படப்பிடிப்பு தற்போது வெற்றிகரமாக முழுமையாக நிறைவடைந்துள்ளது.
இப்படத்தின் அனைத்து தயாரிப்பு, வர்த்தகம் மற்றும் விநியோகப் பணிகளையும் மெட்ராஸ் டாக்கீஸ் (Madras Talkies) நிறுவனமே நேரடியாகக் கவனித்து வருகிறது. மேலும், இப்படத்தின் தமிழக திரையரங்க விநியோக உரிமையை பிரபல ரெட் ஜெயண்ட் மூவிஸ் (Red Giant Movies) நிறுவனம் கைப்பற்றியுள்ளதாகவும், மற்ற படங்களைக் காட்டிலும் மிகச்சிறந்த அட்வான்ஸ் தொகையை வழங்கி இந்த ஒப்பந்தம் இறுதி செய்யப்பட்டுள்ளதாகவும் தகவல்கள் வெளியாகியுள்ளன.
ஏ.ஆர். ரஹ்மான் இசையில் முழுக்க முழுக்கக் காதலை மையமாகக் கொண்டு உருவாகியுள்ள இப்படம், ரசிகர்களின் பெரும் எதிர்பார்ப்புக்கு இடையில் வரவிருக்கும் பொங்கல் 2027 பண்டிகையை முன்னிட்டுத் திரைக்கு வரவுள்ளது குறிப்பிடத்தக்கது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
