கண்ணா லட்டு திண்ண ஆசையா உள்ளிட்ட சில படங்களில் நடித்த மருத்துவர் சேதுராமன் மாரடைப்பு காரணமாக மரணமடைந்துள்ளார்.
சென்னையில் இருக்கும் பிரபல தோல் மருத்துவர்களில் ஒருவராக இருந்தவர் சேதுராமன். இவர் நடிகர் சந்தானத்தின் நண்பர். அதுமட்டுமில்லாமல், பல்வேறு திரையுலக பிரபலங்கள் பலர் தோல் சிகிச்சை பெற்று வந்தார்கள்.மும்பை மற்றும் சிங்கப்பூரில் லேசர் முறையில் தோல் சிகிச்சை அளிக்கும் பயிற்சியும் பெற்றவர்
இந்நிலையில் திடீர் அவதாரமாக தனது நண்பர் சந்தானம் நடித்த ‘கண்ணா லட்டு திண்ண ஆசையா’ படத்தில் சேதுவை ஹீரோவாக அறிமுகமாகினார். அந்த படம் வெற்றி பெற்றாலும் சேதுவுக்கு அதன் பின்னர் பெரிய வாய்ப்புகள் இல்லாததால் மருத்துவத்துறையில் ஆர்வம் காட்டி வந்தார்.
இந்நிலையில் நேற்று இரவு இவர் மாரடைப்பால் உயிரிழந்தார். அவருக்கு வயது 36. இந்த செய்தியானது அனைவருக்கும் அதிர்ச்சியளித்துள்ளது. சேதுவின் மரணசெய்தி அறிந்த திரையுலகினர் மற்றும் அவரிடம் சிகிச்சை பெற்ற பிரபலங்கள் அஞ்சலி செலுத்தி வருகின்றனர்.
