தமிழ் மற்றும் இந்தி திரையுலகில் ஒரு காலத்தில் கனவுக்கன்னியாக இருந்தவர் அசின். 2016-ம் ஆண்டு தொழில் அதிபர் ராகுல் சர்மாவை திருமணம் செய்துகொண்ட பிறகு, நடிப்புக்கு முழுவதுமாக விடை கொடுத்தார். தற்போது இந்த நட்சத்திர தம்பதி தங்களின் 10-வது திருமண நாளை (10th Wedding Anniversary) கொண்டாடுகின்றனர்.
இதையொட்டி ராகுல் சர்மா தனது எக்ஸ் (X) தளத்தில், இதுவரை யாரும் பார்த்திராத தங்களின் திருமண புகைப்படங்களை பகிர்ந்து அசினுக்கு உருக்கமான வாழ்த்து தெரிவித்துள்ளார்.
யார் இந்த ராகுல் சர்மா?
ராகுல் சர்மா இந்தியாவின் முன்னணி மொபைல் தயாரிப்பு நிறுவனமான மைக்ரோமேக்ஸ் (Micromax Informatics) நிறுவனத்தின் இணை நிறுவனர் ஆவார். வெறும் 3 லட்சம் ரூபாயில் தனது தொழிலைத் தொடங்கி, இன்று சுமார் 1,300 கோடி ரூபாய் சொத்து மதிப்புடன் (Almost-Billionaire) இந்தியாவின் வெற்றிகரமான தொழில் அதிபராக உயர்ந்துள்ளார். இவர் தற்போது ‘ரிவோல்ட்’ (Revolt Intellicorp) என்ற மின்சார பைக் நிறுவனத்தையும் நடத்தி வருகிறார்.
வைரலாகும் 10-வது ஆண்டு கொண்டாட்டம்
தங்கள் திருமணத்தின் போது எடுக்கப்பட்ட ‘கேண்டிட்’ புகைப்படத்தைப் பகிர்ந்துள்ள ராகுல், “என் வாழ்க்கையின் மிக முக்கியமான எல்லாவற்றிற்கும் அவர்தான் இணை நிறுவனர் (Co-founder). அவரது வாழ்க்கையில் ஒரு துணை நடிகராக இருப்பதில் நான் பெருமைப்படுகிறேன்,” என பதிவிட்டுள்ளார்.
இவர்களுக்கு ஆரின் (Arin) என்ற மகள் உள்ளார். அசின் தனது இன்ஸ்டாகிராம் பக்கத்தில் மகள் கடற்கரை மணலில் தங்களின் திருமண நாளை முன்னிட்டு வரைந்த சித்திரங்களைப் பகிர்ந்து மகிழ்ச்சியை வெளிப்படுத்தியுள்ளார்.
