சமீபத்தில் வெளியாகி திரையரங்குகளில் ரசிகர்களின் பாராட்டுகளையும் மாபெரும் வரவேற்பையும் பெற்ற ‘மோத ராத்திரி’ (Modha Rathri) திரைப்படத்தின் இயக்குநர் ராஜா கருப்பசாமி (Raja Karuppasamy), தனது அடுத்தடுத்த படைப்புகள் மூலம் தென்னிந்திய சினிமாவில் முக்கிய இடத்தைப் பிடித்து வருகிறார்.
தற்போது வெளியாகியுள்ள மாபெரும் அறிவிப்பின்படி, உலகநாயகன் கமல்ஹாசனின் (Kamal Haasan) புகழ்பெற்ற தயாரிப்பு நிறுவனமான ‘ராஜ் கமல் பிலிம்ஸ் இண்டர்நேஷனல்’ (Raaj Kamal Films International – RKFI) தயாரிக்கும் புதிய திரைப்படத்தில் ராஜா கருப்பசாமி கதாநாயகனாக நடிக்கவுள்ளார். மேலும், இப்படத்திற்கு அவரே திரைக்கதை எழுதி இயக்கவும் அதிக வாய்ப்புகள் உள்ளதாகத் தகவல்கள் தெரிவிக்கின்றன.
தனது அறிமுகப் படத்திலேயே வித்யாசமான நகைச்சுவை மற்றும் உணர்வுப்பூர்வமான கதையம்சத்தால் அனைவரையும் கவர்ந்த ராஜா கருப்பசாமி, தற்போது இந்திய சினிமாவின் முன்னணி நிறுவனமான ராஜ் கமல் பிலிம்ஸ் பேனரின் கீழ் கதாநாயகனாகவும் இயக்குநராகவும் அவதரிப்பது அவரது திரைப்பயணத்தில் மிகப்பெரிய திருப்புமுனையாகப் பார்க்கப்படுகிறது. இத்திரைப்படத்தின் பிற நடிகர்கள், தொழில்நுட்பக் கலைஞர்கள் மற்றும் படப்பிடிப்பு சார்ந்த அதிகாரப்பூர்வ விவரங்கள் விரைவில் வெளியாகும் என எதிர்பார்க்கப்படுகிறது.
