தமிழ் திரையுலகில் காதலை அதன் உண்மையான ஆழத்துடனும் ஏங்க வைக்கும் ஏக்கத்துடனும் பதிவு செய்து மாபெரும் சாதனை படைத்த கல்ட் கிளாசிக் திரைப்படமான ’96’ மீண்டும் திரையரங்குகளில் ரிலீசாகவுள்ளது. இயக்குநர் சி. பிரேம்குமார் இயக்கத்தில், மக்கள் செல்வன் விஜய் சேதுபதி மற்றும் நட்சத்திர நாயகி திரிஷா நடிப்பில் கடந்த 2018-ஆம் ஆண்டு வெளியான இப்படம், தமிழ் சினிமா வரலாற்றில் மறக்க முடியாத காவியமாக நிலைபெற்றுள்ளது. ராம் மற்றும் ஜானுவின் தூய்மையான பள்ளிக்காலக் காதலைப் பேசிய இப்படம் வெளியாகி ஆண்டுகள் பல கடந்தாலும், அதன் மீதான ரசிகர்களின் காதலும் ஈர்ப்பும் சற்றும் குறையவில்லை.
தற்போது சினிமா வட்டாரத்தில் ஹிட்டடித்து வரும் ரீ-ரிலீஸ் ட்ரெண்டில் இணைந்திருக்கும் ’96’ திரைப்படம், வரும் அக்டோபர் 9-ம் தேதி அன்று மீண்டும் திரையரங்குகளில் வெளியாகவுள்ளது அதிகாரப்பூர்வமாக உறுதிப்படுத்தப்பட்டுள்ளது. கோவிந்த் வசந்தாவின் மயக்கும் இசையும், மகேந்திரன் பிரேம்காந்தின் ஒளிப்பதிவும், ராம் – ஜானு பாத்திரங்களின் காதலும் தியேட்டர் அனுபவத்தில் மீண்டும் ரசிகர்களைக் கண்ணீர்மல்கவும் மகிழ்ச்சியடையவும் வைக்கும் என்பதில் எந்த மாற்றமும் இல்லை. குறிப்பாகத் திரையரங்குகளில் இப்படத்தைக் கொண்டாடத் தவறிய இளம் தலைமுறை ரசிகர்களும், பழைய நினைவுகளை மீட்டெடுக்க விரும்பும் சினிமா பிரியர்களும் இப்படத்தை மீண்டும் பெரிய திரையில் காண ஆவலுடன் காத்திருக்கின்றனர்.
