தமிழ் திரையுலகில் முன்னணி நட்சத்திரமாகவும் பன்முகத் திறமையாளராகவும் வலம் வரும் நடிகர் தனுஷ் (Dhanush), தற்போது இயக்குநர் ராஜ்குமார் பெரியசாமி இயக்கத்தில் உருவாகி வரும் ‘ஓம்’ (OM) திரைப்படத்தில் நடித்து வருகிறார். கோலிவுட் வட்டாரத்தில் மிகுந்த எதிர்பார்ப்பை ஏற்படுத்தியுள்ள இத்திரைப்படம் குறித்த பிசினஸ் மற்றும் வர்த்தகத் தகவல்கள் அவ்வப்போது வெளியாகி ரசிகர்களின் உற்சாகத்தை அதிகரித்து வருகின்றன. அந்த வகையில், தற்போது இப்படத்தின் சாட்டிலைட் (Satellite) தொலைக்காட்சி ஒளிபரப்பு உரிமை குறித்த அதிகாரப்பூர்வ அறிவிப்பு வெளியாகி சினிமா வட்டாரத்தில் பெரும் கவனத்தை ஈர்த்துள்ளது.
நீண்ட இடைவெளிக்குப் பிறகு, முன்னணி தொலைக்காட்சி நிறுவனமான சன் டிவி (Sun TV) தனுஷின் இந்தத் திரைப்படத்தின் சாட்டிலைட் உரிமையை மிகப்பெரும் தொகைக்குக் கைப்பற்றியுள்ளது. திரையரங்குகளில் வெளியாவதற்கு முன்பே முன்னணி தொலைக்காட்சி நிறுவனம் படத்தின் உரிமையைக் வாங்கி இருப்பது இப்படத்தின் வணிக ரீதியான பலத்தை எடுத்துரைக்கிறது. குடும்பங்கள் மற்றும் அனைத்து தரப்பு ரசிகர்களையும் கவரும் வகையில் உருவாகி வரும் இப்படம், தொலைக்காட்சியிலும் மிகப்பெரிய அளவில் ஒளிபரப்பப்படும் என்பதால் சின்னத்திரை ரசிகர்களும் மிகுந்த மகிழ்ச்சி அடைந்துள்ளனர். படத்தின் அடுத்தடுத்த அப்டேட்டுகள் மற்றும் விளம்பரப் பணிகள் விரைவில் தீவிரப்படுத்தப்படும் என எதிர்பார்க்கப்படுகிறது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
