பிரஷாந்த் வர்மா சினிமாடிக் யூனிவர்ஸ் (PVCU) வரிசையில் மிகவும் எதிர்பார்க்கப்பட்ட புதிய புராண மற்றும் பாண்டசி திரைப்படமான ‘மகாகாளி’ (Mahakali) படத்தின் மிரட்டலான புதிய முன்னோட்டம் வெளியாகி சினிமா வட்டாரத்தில் பெரும் தாக்கத்தை ஏற்படுத்தியுள்ளது. ‘சுக்கிராச்சார்யாவின் வார் கிரை’ (Shukracharya’s War Cry) என்ற தலைப்பில் வெளியிடப்பட்டுள்ள இந்த கிளிம்ப்ஸ் வீடியோ ரசிகர்களைப் பெரிதும் கவர்ந்துள்ளது.
View this post on Instagram
இப்படத்தில் அசுரர்களின் குருவான சுக்கிராச்சார்ரியாக பாலிவுட் நடிகர் அக்ஷய் கண்ணா (Akshaye Khanna) முற்றிலும் மாறுபட்ட மற்றும் மிரட்டலான தோற்றத்தில் களமிறங்குகிறார். மேலும், முக்கிய கதாபாத்திரத்தில் நடிகை ஷிரியா ரெட்டி (Sriya Reddy) மற்றும் பூமி ஷெட்டி, ரோஹித் சரஃப் உள்ளிட்ட பலர் நடிக்கின்றனர். ஹனு-மான் திரைப்படத்தைத் தொடர்ந்து இந்த பிரம்மாண்டமான உலகத்தை மேலும் விஸ்தரிக்கும் விதமாக இப்படம் உருவாகியுள்ளது. இப்படத்தை பூஜா அபர்ணா கொல்லூரு இயக்க, பிரஷாந்த் வர்மா எழுதியுள்ளார்.
ஆர்.கே.டி ஸ்டுடியோஸ் சார்பில் ரிவாஸ் ரமேஷ் துக் துக் தயாரித்துள்ள இப்படத்தின் திரையரங்க வெளியீடு ஜனவரி 8, 2027 அன்று பிரம்மாண்டமாக சங்கராந்தி பண்டிகையை முன்னிட்டு வெளியாகவுள்ளது. இதுவொரு பான் இந்தியா திரைப்படமாக பிரம்மாண்டமான முறையில் உருவாகியுள்ளதுடன், இதன் டிஜிட்டல் ஓடிடி உரிமையை பிரபல நெட்பிளிக்ஸ் (Netflix) நிறுவனம் கைப்பற்றியுள்ளது.
