தமிழ் திரையுலகில் மிகுந்த எதிர்பார்ப்பை ஏற்படுத்தியுள்ள புதிய திரைப்படமான ‘ராமின்லீலா’ (RaminLeela) குறித்த லேட்டஸ்ட் அப்டேட் வெளியாகியுள்ளது. இப்படத்தில் நடிகர் ரியோ (Rio) மற்றும் வத்ரிகா முன்னணிப் கதாபாத்திரங்களில் நடிக்க, இவர்களுடன் சேத்தன் மற்றும் மாளவிகா உள்ளிட்ட பலர் முக்கியக் கதாபாத்திரங்களில் நடித்துள்ளனர். அறிமுக இயக்குநர் ராமச்சந்திரன் கண்ணன் இப்படத்தை இயக்க, அங்கித் மேனன் இசையமைத்துள்ளார்.
இந்நிலையில், படத்தின் மீதுள்ள எதிர்பார்ப்பை அதிகரிக்கும் வகையில் படத்தின் அதிகாரப்பூர்வ ட்ரெய்லர் தற்போது வெளியாகியுள்ளது. “Meet the madness, match the mood” என்ற கேப்ஷனுடன் வெளியாகியுள்ள இந்த ட்ரெய்லர் சமூக வலைதளங்களில் சினிமா ரசிகர்களின் கவனத்தை ஈர்த்து வருகிறது. காதல், ஜனரஞ்சகமான திருப்பங்கள் மற்றும் கமர்சியல் அம்சங்களுடன் உருவாகியுள்ள இப்படம் வரும் ஆகஸ்ட் 21, 2026 அன்று உலகமெங்கும் உள்ள திரையரங்குகளில் பிரம்மாண்டமாக வெளியாகவுள்ளது குறிப்பிடத்தக்கது.
