தெலுங்கு மற்றும் தமிழ் திரையுலகில் பெரிதும் எதிர்பார்க்கப்படும் அதிரடித் திரைப்படமான ‘இருமுடி’ (Irumudi) குறித்த லேட்டஸ்ட் மற்றும் உற்சாகமான அப்டேட் வெளியாகியுள்ளது. மாஸ் மகாராஜா ரவி தேஜா (Ravi Teja) கதாநாயகனாக நடித்துள்ள இப்படத்தை இயக்குநர் சிவா நிர்வாணா (Shiva Nirvana) இயக்க, மைத்ரி மூவி மேக்கர்ஸ் மற்றும் டி-சீரிஸ் இணைந்து தயாரித்துள்ளன. மேலும், இப்படத்திற்கு ஜி.வி. பிரகாஷ் குமார் இசையமைத்துள்ளார்.
இப்படத்தின் விளம்பரப் பணிகளைத் தீவிரப்படுத்தும் வகையில், படத்தின் அதிகாரப்பூர்வ ட்ரெய்லர் இன்று மாலை சரியாக 6:03 மணிக்கு வெளியிடப்படும் என படக்குழு அறிவித்துள்ளது. இதனை உறுதிப்படுத்தும் வகையில் புதிய போஸ்டர் ஒன்றும் வெளியிடப்பட்டுள்ளது. சபரிமலை ஐயப்ப தீட்சை பின்னணியைக் கொண்டு உருவாகியுள்ள இப்படத்தின் மீது ரசிகர்களிடையே பெரும் எதிர்பார்ப்பு நிலவி வரும் நிலையில், இன்றைய ட்ரெய்லர் வெளியீடு படத்தின் மீதான ஹைப்-ஐ மேலும் அதிகரிக்கும் என எதிர்பார்க்கப்படுகிறது. இப்படம் வரும் ஆகஸ்ட் 21, 2026 அன்று உலகமெங்கும் உள்ள திரையரங்குகளில் பிரம்மாண்டமாக வெளியாகவுள்ளது குறிப்பிடத்தக்கது.
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
