தமிழ் திரையுலகில் மிகுந்த எதிர்பார்ப்பை ஏற்படுத்தியுள்ள ‘ஹை’ (HI) திரைப்படத்தின் அடுத்தடுத்த அப்டேட்டுகள் வெளியாகி ரசிகர்களை உற்சாகப்படுத்தி வருகின்றன. இப்படத்தில் கவின் மற்றும் நயன்தாரா முன்னணி கதாபாத்திரங்களில் நடிக்க, ராதிகா முக்கிய வேடமட்டுள்ளார். ‘கைதி’ படத்தின் உதவி இயக்குநரான விஷ்ணு எடவன் இப்படத்தை இயக்குகிறார். ‘டாடா’ மற்றும் ‘கிஸ்’ போன்ற படங்களின் மூலம் கவனம் ஈர்த்த ஜென் மாட்டின் இப்படத்திற்கு இசையமைக்கிறார். 7 ஸ்கிரீன் ஸ்டுடியோ இப்படத்தைத் தயாரித்துள்ளது.
தற்போது இப்படத்தின் இரண்டாவது பாடலான ‘ரசகுல்லா’ (Rasagulla) அதிகாரப்பூர்வமாக வெளியிடப்பட்டுள்ளது. காதலும், துள்ளலிசையும் நிறைந்த மெலடி பாடலாக உருவாகியுள்ள இந்த சிங்கிள் பாடல், சமூக வலைதளங்களில் வெளியானது முதலே சினிமா வட்டாரத்தில் பெரும் வரவேற்பைப் பெற்று வருகிறது. கவின் மற்றும் நயன்தாராவின் கெமிஸ்ட்ரி இந்தப் பாடலில் மிகச் சிறப்பாக வெளிவந்துள்ளதாக ரசிகர்கள் புகழ்ந்து வருகின்றனர். ஜென் மாட்டின் இசையும் வரிகளும் பாடலை உடனடியாக முணுமுணுக்க வைக்கும் வகையில் அமைந்துள்ளன.
படம் குறித்த முந்தைய அறிவிப்புகளின்படி, இப்படம் வரும் ஆகஸ்ட் 14, 2026 அன்று பிரம்மாண்டமாகத் திரையரங்குகளில் வெளியாகவுள்ளது. வரிசையாக வெளியாகும் ப்ரோமோஷன் படத்தின் மீதான எதிர்பார்ப்பை மேலும் அதிகரித்துள்ளன. பாடல் வெளியீட்டைத் தொடர்ந்து படத்தின் டீசர் மற்றும் டிரெய்லர் குறித்த அடுத்தடுத்த அறிவிப்புகள் விரைவில் வெளியாகும் என எதிர்பார்க்கப்படுகிறது.
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
