தமிழ் திரையுலகில் முன்னணி நகைச்சுவை நடிகராக வலம் வந்து, தற்போது நாயகனாக கலக்கி வரும் நடிகர் சூரி, தனது அடுத்த கட்ட பாய்ச்சலாகத் தெலுங்கு திரையுலகில் கால்பதிக்க உள்ளார். இவரது நடிப்பில் உருவாகியுள்ள ‘மண்டாடி’ (Mandaadi) திரைப்படத்தின் மூலம் அவர் அதிகாரப்பூர்வமாகத் தெலுங்கில் அறிமுகமாகிறார். இந்த மகிழ்ச்சியான தகவலை அவர் சமீபத்தில் தனது அதிகாரப்பூர்வ ட்விட்டர் (எக்ஸ்) தளம் வாயிலாக ரசிகர்களுடன் பகிர்ந்துகொண்டது குறிப்பிடத்தக்கது.
Every reel, every share, every loop brought us here ❤️🔥#MandaadiMandaadi crosses 6 Million+ views 🥶
தற்போது இப்படத்தின் விளம்பரப் பணிகள் தீவிரமாக நடைபெற்று வரும் நிலையில், படத்தின் முக்கியப் பாடலான ‘மண்டாடி மண்டாடி’ இணையத்தில் வெளியாகித் பெரும் வரவேற்பைப் பெற்றுள்ளது. ஒவ்வொரு ரீல்ஸ், ஷேர் மற்றும் லூப் மூலம் ரசிகர்கள் இப்படத்தைக் கொண்டாடி வருவதால், இப்பாடல் தற்போது 6 மில்லியன் பார்வைகளைக் கடந்து புதிய சாதனையைப் படைத்துள்ளது. தெலுங்கு சினிமா வட்டாரத்திலும் சூரியின் எதார்த்தமான நடிப்புக்கு மிகப்பெரிய எதிர்பார்ப்பு எழுந்துள்ளது.
ரசிகர்களின் தொடர் ஆதரவினால் உற்சாகமடைந்துள்ள படக்குழு, ‘மண்டாடி’ திரைப்படம் வரும் செப்டம்பர் 10, 2026 அன்று பிரம்மாண்டமாகத் திரையரங்குகளில் வெளியாகவுள்ளது என்பதை உறுதிப்படுத்தியுள்ளது. தமிழ் மற்றும் தெலுங்கு என இரு மொழிகளிலும் ஒரே நேரத்தில் ரசிகர்களை மகிழ்விக்கத் தயாராகும் இப்படத்தின் மூலமாக சூரி தெலுங்கு ரசிகர்களின் மனதை வெல்வார் என எதிர்பார்க்கப்படுகிறது. படத்தின் அடுத்தடுத்த அப்டேட்டுகள் விரைவில் வெளியாகும்.
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
