தமிழ் திரையுலகின் முன்னணி இயக்குனர்களில் ஒருவரான வெங்கட் பிரபு, தனது அடுத்தக்கட்ட முயற்சியாகப் புதிய தயாரிப்பு நிறுவனம் ஒன்றை உருவாக்கியுள்ளார். ‘ElephantineX’ என்று பெயரிடப்பட்டுள்ள இந்த நிறுவனத்தின் முதல் படைப்பாக ‘ராஜாஸ் ப்ளேலிஸ்ட்’ (Raja’s Playlist) என்ற திரைப்படம் உருவாகிறது. இப்படத்தின் மூலம் வெங்கட் பிரபு தனது தம்பி ஜெயனை (Jaiyan) கதாநாயகனாக திரையுலகிற்கு அறிமுகம் செய்கிறார்.
இது குறித்துத் தனது சமூக வலைதளப் பக்கத்தில் உற்சாகத்துடன் பதிவிட்டுள்ள வெங்கட் பிரபு, “எனது தம்பி ஜெயனை கதாநாயகனாக அறிமுகப்படுத்துவதில் நான் மிகவும் மகிழ்ச்சியும் பெருமையும் அடைகிறேன். ‘ElephantineX’ தயாரிக்கும் முதல் படம் இது. இந்த புதிய பயணத்தைத் தொடங்கும் ரமணன் அவர்களுக்கு எனது வாழ்த்துகள்,” என்று குறிப்பிட்டுள்ளார். மேலும், இப்படத்திற்குத் தான்தான் கதை எழுதியுள்ளதாகவும், ரசிகர்களுக்குப் புதிய அனுபவத்தைக் கொடுக்கக் காத்திருப்பதாகவும் அவர் தெரிவித்துள்ளார்.
Very very Happy & Proud to introduce my cousin #Jaiyan as the lead of #RajasPlaylist, the very first production from #ElephantineX
Congratulations to #Ramanan brother on this exciting new venture. Wishing the entire team a successful and memorable journey ahead.
I’m equally… pic.twitter.com/hi570Vv17F
— venkat prabhu (@vp_offl) July 5, 2026
வெங்கட் பிரபுவின் குடும்பத்திலிருந்து மற்றுமொரு திறமைசாலியான ஜெயன் களமிறங்குவது திரையுலகில் எதிர்பார்ப்பை ஏற்படுத்தியுள்ளது. இப்படத்திற்கு யுவன் சங்கர் ராஜா இசையமைக்கிறார் என்பது கூடுதல் பலம். இயக்குனர் சுதா கொங்கரா உள்ளிட்ட பல பிரபலங்கள் இந்த அறிவிப்பைப் பாராட்டியுள்ளனர். சாய் முனிஷ் இப்படத்தை இயக்குகிறார். படத்தின் டைட்டில் போஸ்டர் தற்போது வெளியாகி இணையதளங்களில் வைரலாகி வருகிறது.
வெங்கட் பிரபுவின் மேக்கிங் ஸ்டைலும், யுவனின் இசையும் இணைந்தால் அது எப்போதும் ஒரு மேஜிக்காகவே இருக்கும். அந்த வகையில், தனது தயாரிப்பு நிறுவனத்தின் முதல் படத்திலேயே வெங்கட் பிரபு கதை ஆசிரியராகப் பணியாற்றியிருப்பது, படத்திற்கான எதிர்பார்ப்பை பல மடங்கு உயர்த்தியுள்ளது. படப்பிடிப்பு விரைவில் தொடங்கவுள்ள நிலையில், மற்ற நடிகர், நடிகையர் குறித்த விவரங்கள் அடுத்தடுத்து வெளியாகும் என எதிர்பார்க்கப்படுகிறது. வெங்கட் பிரபுவின் புதிய தயாரிப்பு நிறுவனம், தமிழ் சினிமாவில் தரமான படைப்புகளை வழங்கும் என ரசிகர்கள் நம்புகின்றனர்.
