தமிழ் திரையுலகில் லேடி சூப்பர்ஸ்டார் நயன்தாராவின் அசாத்திய நடிப்புத் திறமைக்கும், கதைத் தேர்வுக்கும் மிகச்சிறந்த சான்றாக விளங்கிய திரைப்படம் ‘அறம்’. இயக்குநர் கோபி நயினார் இயக்கத்தில் வெளியாகி, விமர்சன ரீதியாகவும், வசூல் ரீதியாகவும் ஒட்டுமொத்த தென்னிந்திய சினிமாவையும் திரும்பிப் பார்க்க வைத்த இந்த அசாத்திய மெகா ஹிட் படத்தின் பின்னணி சுவாரஸ்யங்கள் மற்றும் இதன் இரண்டாம் பாகமான ‘அறம் 2’ (Aramm 2) எப்போது தொடங்கும் என்பது குறித்து தயாரிப்பாளர் கேஜேஆர் ராஜேஷ் தற்பொழுது மனம் திறந்து பேசியுள்ளார்.
அறம் படத்தின் ஆரம்பகட்ட உருவாக்கமே ஒரு சுவாரஸ்யம் நிறைந்தது என்று அவர் பகிர்ந்துள்ளார். உண்மையில் ‘அறம்’ திரைப்படம் முதலில் ஒரு ஆண் கதாபாத்திரத்தை மையமாகக் கொண்டு எழுதப்பட்ட (Male-oriented script) கதையாகும். அதன் பின்னரே அது பெண் கதாபாத்திரத்தை மையமாகக் கொண்ட கதையாக (Female-oriented script) மாற்றப்பட்டது. இந்த கதையைக் கேட்ட லேடி சூப்பர்ஸ்டார் நயன்தாரா, உடனடியாக இதில் நடிக்கச் சம்மதித்தார். மேலும், இந்த படத்தின் ஒட்டுமொத்த படப்பிடிப்பும் வெறும் 38 நாட்களில் மிக நேர்த்தியாக முடிக்கப்பட்டது. அதில் நடிகை நயன்தாரா தனது சம்பந்தப்பட்ட காட்சிகளை வெறும் 12 நாட்களில் நடித்துக் கொடுத்துள்ளார், மீதமுள்ள பகுதிகள் 26 நாட்களில் படமாக்கப்பட்டன என்பது குறிப்பிடத்தக்கது.
தொடர்ந்து பேசிய கேஜேஆர் ராஜேஷ், தான் ஒரு வங்கியாளராக (Banker) இருந்த காலகட்டத்திலேயே நயன்தாராவிற்காக பல கதைகளைக் கேட்டு வந்ததாகக் குறிப்பிட்டுள்ளார். ரசிகர்கள் ஆவலோடன் எதிர்பார்த்துக் காத்திருக்கும் ‘அறம் 2’ திரைப்படம் ஏன் தள்ளிப்போகிறது என்ற ரகசியத்தையும் அவர் உடைத்துள்ளார். “நாங்கள் ‘அறம் 2’ படத்தை உடனே தொடங்கியிருக்க வேண்டும், ஆனால் இயக்குநர் கோபி நயினாருக்கு வேறு சில சினிமா கமிட்மென்ட்கள் இருந்ததால் எங்களால் அதை தற்பொழுது வரை நனவாக்க முடியவில்லை. இருப்பினும் அறம் 2 படத்திற்கான திரைக்கதை (Script) தற்பொழுது முழுமையாகத் தயாராக உள்ளது” என்று அவர் அதிரடியாக அறிவித்துள்ளார்.
இயக்குநர் கோபி நயினார் எப்போது ஃப்ரீயாகிறாரோ, அப்போது இந்த மெகா ப்ராஜெக்ட் அதிகாரப்பூர்வமாகத் தொடங்கும் என்றும், அது எப்போது நடக்கும் என்பது அந்த கடவுளுக்கு மட்டுமே தெரியும் என்றும் எதார்த்தமாகக் கூறியுள்ளார் ராஜேஷ். நயன்தாராவின் மாஸ் நடிப்பில் ‘அறம் 2’ படத்தின் ஸ்கிரிப்ட் ரெடியாக இருக்கும் இந்த தகவல், தற்பொழுது கோலிவுட் வட்டாரங்களில் காட்டுத்தீயாய் பரவி ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
